15.09.2026 | 14:26
Փետրվարի 8-ից «խվատայկաները» կհամարվեն շահումով խաղ․ ՊԵԿ
20 րոպե առաջ ԵՄ դիտորդական առաքելությունից Լաչինի միջանցքի մասով լուր ստացա. Փոլ Գավանը՝ ԵԽԽՎ-ում․ ՏԵՍԱՆՅՈՒԹ
Քաղաքականություն
22.06.2023 | 21:26
ԵԽԽՎ-ում քննարկվում է Լաչինի միջանցքով ազատ և ապահով մուտքի ապահովման հարցը։ Հարցով զեկուցող Փոլ Գավանն իր ելույթում նշել է, որ 20 րոպե առաջ Լաչինի միջանցքի վերաբերյալ հրատապ լուր է ստացել ԵՄ դիտորդական առաքելությունից․ նրանք հաստատել են, որ այս կեսօրին ադրբեջանական ուժերը խոչընդոտել են ճանապարհով երկու կողմից անցմանը։
«Այս օրը, երբ մենք քննարկում ենք այս հարցը, ճնշող է նման լուր ստանալ։ Պարոն Սեյիդովը (ԵԽԽՎ-ում Ադրբեջանի պատվիրակ – խմբ․) ասում է՝ եկեք տարածաշրջան, բայց չի թողնում, որ գնամ։ Եվ չի թողնում ոչ մեկին գնալ Լաչինի միջանցք։ Հումանիտար ճգնաժամը ծայրահեղ լուրջ է։ Մարդիկ չեն ունեցել սննդի մատակարարման մուտք անցյալ շաբաթվանից»,- հատարարել է Գավանը։
Նա նաև հույս է հայտնել, որ կհաջողվի համերաշխության, միասնականության ուժեղ ուղերձ հղել հումանիտար ճգնաժամին, որն օրեցօր սրվում է Լաչինի միջանցքի փակմամբ։
«Կոչ եմ անում Ադրբեջանի իմ գործընկերներին՝ բացել միջանցքը, գազն ու էլեկտրականությունը միացնել, կառուցողական երկխոսության մեջ մտնել »,- հավելել է նա։
Գավանը նաև կոչ է արել կողմ քվեարկել իր զեկույցին։
Էմմա Չոբանյան
