Սեմ Բրաունբեքն առաջարկել է ԱՄՆ Կոնգրեսի պատվիրակություն ուղարկել Լեռնային Ղարաբաղ․ ՏԵՍԱՆՅՈՒԹ

Հունիսի 21-ին Թոմ Լանթոսի Մարդու իրավունքների հանձնաժողովի (TLHRC) լսումների ժամանակ Կոնգրեսի անդամները օրենսդիրների ուշադրությունն են հրավիրել Արցախի քրիստոնյա հայ բնակչության դեմ Ադրբեջանի ցեղասպան գործողությունների վրա:

«Պաշտպանելով Լեռնային Ղարաբաղի ժողովրդին» վերտառությամբ լսումներին մասնակցել են կրոնական ազատությունների հարցով ԱՄՆ նախկին դեսպան, Կանզաս նահանգի նախկին նահանգապետ Սեմ Բրաունբեքը, Ամերիկյան ձեռնարկատիրության ինստիտուտի (American Enterprise Institute) ավագ վերլուծաբան Մայքլ Ռուբինը, հայ – թուրքական հաշտեցման հանձնաժողովի (TARC) նախկին համակարգող, պաշտոնաթող ամերիկացի դիվանագետ Դեյվիդ Ֆիլիփսը, Հայաստանում ԱՄՆ նախկին դեսպան Ջոն Էվանը և այլոք։

Վերջերս ՀՀ-ում փաստահավաք առաքելությունից վերադարձած Բրաունբեքը լսումների ժամանակ առաջարկել է ԱՄՆ Կոնգրեսի պատվիրակություն ուղարկել Հայաստան՝ նշելով, որ նախորդ շաբաթ իր ու փաստահավաք պատվիրակության մուտքն Արցախ արգելվել է։

«Ունենք 120,000 քրիստոնյա, ովքեր խեղդվում են Ադրբեջանի կողմից շրջափակման մեջ։ Սա հակասում է խաղաղության համաձայնագրին, հակասում է Արդարադատության միջազգային դատարանի որոշմանը, սակայն այն տեղի է ունենում: Նրան աջակցում է Էրդողանը, որը, հավանաբար, աշխարհի առաջատար իսլամիստ անձնավորությունն է, ով առաջ է մղում ռազմատենչ իսլամը»:
Բրաունբեքը առաջարկել է նաև Լեռնային Ղարաբաղի Մարդու իրավունքների ակտի ներդրումը, որը հստակորեն կսահմանի Արցախի հայ բնակչության անվտանգությունը պաշտպանելու նվազագույն չափանիշները։
Վերջիսն նաև հաստատակամորեն պահանջել է ադրբեջանի դեմ 907-րդ հոդվածի համաձայն պատժամիջքցներ կիրառել , քանի դեռ չի վերացվել Արցախի շրջափակումը։

Մանրամասները՝ տեսանյութում
Տաթև Ֆռանգյան