15.07.2026 | 23:23
Ջրափրկարարները քաղաքացիներին անվնաս մոտեցրել են ափ․ նրանց կյանքին վտանգ չի սպառնում
Հաջորդ շաբաթ Վաշինգտոնում տեղի է ունենալու Միրզոյան-Բայրամով հանդիպումը. Փաշինյան․ ՏԵՍԱՆՅՈՒԹ
Քաղաքականություն
22.06.2023 | 13:27
Հաջորդ շաբաթ Վաշինգտոնում տեղի է ունենալու Հայաստանի և Ադրբեջանի արտգործնախարարների՝ Արարատ Միրզոյանի և Ջեյհուն Բայրամովի հանդիպումը: Այս մասին Կառավարության՝ հունիսի 22-ի նիստին հայտարարեց ՀՀ վարչապետ Նիկոլ Փաշինյանը:
«Պետք է գործարկվի Բաքու-Ստեփանակերտ երկխոսության միջազգային մեխանիզմը, որի շրջանակներում կհասցեագրվի ԼՂ հայության իրավունքների ու անվտանգության հիմնախնդիրը»,- նշեց Փաշինյանը։
Ինչ վերաբերում է Հայաստան-Ադրբեջան հարաբերություններին՝ նա ասաց, թե հայկական կողմի դիրքորոշումը շարունակում է մնալ նույնը՝ բոլոր ջանքերը պետք է գործադրել խաղաղության հաստատման և հարաբերությունների կարգավորման պայմանագիր կնքելու համար։
«Հաջորդ շաբաթ Վաշինգտոնում տեղի է ունենալու Հայաստանի և Ադրբեջանի արտգործնախարարների հանդիպումը։ Մեր պատվիրակությունն ԱՄՆ է մեկնում հենց այս տրամադրվածությամբ»,- հավելեց նան։
Վարչապետի խոսքով՝ Հայաստանն Ադրբեջանին առաջարկել է նաև անցկացնել սահմանագծման հանձնաժողովի նիստ, և նիստն անցկացնելու սկզբունքային պայմանավորվածություն կա:
«Հայաստանը պատրաստ է նաև օր առաջ տարածաշրջանի տրանսպորտային և տնտեսական ուղիների ապաշրջափակմանը, կողմերի ինքնիշխանության իրավազորության և փոխադարձության սկզբունքների ներքո»,- նշեց վարչապետը:
Մանրամասները՝ տեսանյութում։
