24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
ՀՀ ԱԳՆ-ն ուշադրություն է հրավիրում Ադրբեջանի էթնիկ զտումների քաղաքականության պատճառով Բաքվից, Սումգայիթից, Կիրովաբադից և Արցախից հայերի բռնի տեղահանության վրա
Քաղաքականություն
21.06.2023 | 12:49
Փախստականների համաշխարհային օրվա առիթվ ՀՀ ԱԳՆ-ն միջազգային հանրության ուշադրությունն է հրավիրում Ադրբեջանի կողմից իրականացվող էթնիկ զտումների քաղաքականության վրա։
«Փախստականների համաշխարհային օրը մենք ևս մեկ անգամ միջազգային հանրության ուշադրությունն ենք հրավիրում Ադրբեջանի էթնիկ զտումների քաղաքականության վրա, որի հետևանքով հազարավոր հայեր բռնի տեղահանվել են ադրբեջանական Սումգայիթ, Բաքու, Կիրովաբադ քաղաքներից, ինչպես նաև Ադրբեջանի վերահսկողության տակ գտնվող Լեռնային Ղարաբաղի տարածքներից»,- ասվում է ԱԳՆ թվիթերյան գրառման մեջ։
Երևանը կոչ է անում քայլեր ձեռնարկել նման քաղաքականությունը կանխելու համար։
«Այսօր մենք նաև կրկնում ենք նմանատիպ քաղաքականությունը կանխելու և ուժեղ միջազգային ներգրավվածության մեր կոչը՝ լուծելու Լեռնային Ղարաբաղի բնակչության ներկայիս գոյության մարտահրավերները, այդ թվում՝ նրանց իրավունքների և անվտանգության խնդիրները, ինչպես նաև Լաչինի միջանցքի շարունակվող անօրինական շրջափակումը»,- ասվում է հայտարարության մեջ։
Էմմա Չոբանյան
