12.03.2026 | 17:36
Իրանական կղզիներ ներխուժման դեպքում «Պարսից ծոցը կողողվի զավթիչների արյունով»․ Իրանի խորհրդարանի նախագահ
Փաշինյանին ասում եմ` մի՛ վերցրու քեզ վրա մեղքեր, որոնք քեզ հետ կապ ունենալ չէին կարող. Ալեն Սիմոնյան․ ՏԵՍԱՆՅՈՒԹ
Քաղաքականություն
20.06.2023 | 10:22
Հայաստանի վարչապետ Նիկոլ Փաշինյանը երբեք որևէ մեկի վրա մեղքը չի բարդել։ Հակառակը։ Ես, օրինակ, Փաշինյանին հաճախ ասում եմ` մի’ վերցրու քեզ վրա մեղքեր, որոնք իրականում քեզ հետ կապ ունենալ չէին կարող։ Այս մասին այսօր լրագրողների հետ զրույցում ասաց Հայաստանի խորհրդարանի նախագահ Ալեն Սիմոնյանը։
Սիմոնյանի հավաստմամբ՝ Քննիչ հանձնաժողովում Փաշինյանը ամեն ինչ մանրամասն կներկայացնի և հնարավոր է՝ սենսացիոն հայտարարություններ անի։
Սիմոնյանի դիտարկմամբ՝ վարչապետի մասնակցությամբ Քննիչ հանձնաժողովի նիստին ուղիղ եթերի ապահովումը հաշվետվողականության և թափանցիկության վառ օրինակ։
Սիմոնյանը նկատեց, որ ընդդիմությունը հնարավորություն ուներ ուղիղ եթերում հնչեցնելու բոլոր հարցերը այն հիմնական մեղադրանքների շուրջ, որոնք հնչեցրել է վերջին տարիներին, բայց նույնիսկ այդ հնարավորությունից նա չի օգտվում։
«Ընդդիմությունը կարող էր գալ և խնդրել հանձնաժողովի նիստի փակ մաս անցկացնել, չեկավ, որովհետև ասելիք չունի։ Գա՞ն և ի՞նչ ասեն։ Ժողովուրդը, որպես դատավոր, այս հարցին իր պատասխանը տվել է 44-օրյա պատերազմին հաջորդած ընտրությունների արդյունքներով»,- նշեց Սիմոնյանը։
Նշենք, որ այսօր՝ հունիսի 20-ին, Ազգային ժողովի 44-օրյա պատերազմի հանգամանքներն ուսումնասիրող քննչական հանձնաժողովի նիստը ընթանում է ՀՀ վարչապետ Նիկոլ Փաշինյանի մասնակցությամբ։
Մանրամասները՝ տեսանյութում։
