08.10.2026 | 14:15
Տոկաևն առաջարկել է Միջին միջանցքն ինտեգրել TRIPP-ին
Դավիթ Հարությունյանի կարգապահական գործը դռնփակ է քննվում. Արդարադատության նախարարության միջնորդությունը բավարարվեց․ ՏԵՍԱՆՅՈՒԹ
Հասարակություն
19.06.2023 | 10:37
Բարձրագույն դատական խորհրդում այսօր սկսվեց Երևանի ընդհանուր իրավասության քրեական դատարանի դատավոր Դավիթ Հարությունյանի վերաբերյալ կարգապահական վարութի քննությունը:
Նիստի մեկնարկին պարզ դարձավ, որ դատավոր Նաիրա Հովսեփյանն ինքնաբացարկի միջնորդություն է ներկայացրել` հայտնելով, որ մտերիմ հարաբերություններ ունի Դավիթ Հարությունյանի հետ: Այս միջնորդությունը բավարարվեց: Ապա ԲԴԽ-ն, վերադառնալով խորհրդակցական սենյակից, հրապարակեց Արդարադատության նախարարության միջնորդությունը, որով նախարարի տեղակալը պահանջում էր դռնփակ քննել գործը` հաշվի առնելով արդարադատության շահը: Ապա նիստն ընդմիջվեց, որպեսզի դրան ոչ մասնակից անձինք լքեն դահլիճը:
Դավիթ Հարությունյանը ցանկանում էր հայտարարություն անել, սակայն խորհրդի անդամները լքեցին դահլիճը: Քիչ անց կարգադրիչները հայտնեցին, որ որոշում է կայացվել նիստը դռնփակ անցկացնելու մասին:
Նշենք, որ Դավիթ Հարությունյանը ԲԴԽ էր եկել առանց ներկայացուցչի: Նիստին եկել են նաև դատավորներ ու փաստաբաններ: Վերջիններն այժմ ԲԴԽ շենքում են և նշում են, որ ցանկանում են ներգրավվել գործին ու ստանձնել դատավորի պաշտպանությունը:
Արաքս Մամուլյան
