15.09.2026 | 14:26
Փետրվարի 8-ից «խվատայկաները» կհամարվեն շահումով խաղ․ ՊԵԿ
Ապաշրջափակումը կսկսվի Երասխ-Ջուլֆա-Մեղրի-Հորադիզ երկաթուղուց․Օվերչուկ
Քաղաքականություն
19.06.2023 | 11:18
ՌԴ փոխվարչապետ Ալեքսեյ Օվերչուկը Սանկտ Պետերբուրգի միջազգային տնտեսական ֆորումի շրջանակներում ՏԱՍՍ-ին տված հարցազրույցում խոսել է Հայաստանի ու Ադրբեջանի միջև տրանսպորտային հաղորդակցության ապաշրջափակման համար առկա խոչընդոտների մասին։
«Մենք եռակողմ աշխատանքային խմբի ձևաչափով հանդիպում ենք անցկացրել Ադրբեջանի, Հայաստանի և ՌԴ փոխվարչապետերի հետ, որի արդյունքում ձևավորվել է համապարփակ փաստաթուղթ։ Այն ասում է, որ տարածաշրջանում տրանսպորտային կապերի ապաշրջափակումը կսկսվի երկաթուղու վերականգնմամբ, որն անցնելու է Երասխ-Ջուլֆա-Մեղրի-Հորադիզ երթուղով և, ելնելով կողմերի ինքնիշխանության նկատմամբ հարգանքից, որոշում է Հայաստանի ու Ադրբեջանի սահմանի հատման կարգի հիմնական մոտեցումները ։ Կողմերից որևէ մեկը կասկածի տակ չի դնում, որ այդ ճանապարհի առանձին հատվածներ գտնվելու են այն երկրի իրավասության ներքո, որի տարածքում են գտնվում։ Այդպիսով՝ այս ճանապարհի հետ կապված՝ Ադրբեջանում կկիրառվի ադրբեջանական, իսկ Հայաստանում՝ հայկական օրենսդրությունը։ Թվում է, թե դրանք ակնհայտ բաներ են, բայց հաշվի առնելով այն հարաբերությունները, որոնք ձևավորվել են երկու պետությունների և ժողովուրդների միջև, այս ամենը պետք է ամրագրվի»,- ասել է Օվերչուկը։
