20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Փաշինյանը՝ Բաքվի կողմից Լաչինի միջանցքը լրիվ փակելու մասին․ բյուջեից 520 մլն կտրվի քաղուժերին․ Լուրեր
Հասարակություն
16.06.2023 | 14:20
- Վարչապետ Նիկոլ Փաշինյանն այսօրվա կառավարության նիստին հայտարարել է, որ Ադրբեջանի գործողությունները ևս մեկ անգամ հիմնավորում են այն մտավախությունը, թե Ադրբեջանը ԼՂ-ում էթնիկ զտման քաղաքականություն է վարում։ Փաշինյանը նշել է, որ եթե նախորդ ամսվա ընթացքում քարոզչական նպատակներով Ադրբեջանը որոշ անցանելիություն էր ապահովում Լաչինի միջանցքում Կարմիր խաչի ու ռուս խաղաղապահների միջոցով, երեկվանից զրոյացվել է այդ անցանելիությունը նույնպես, և անգամ առաջին անհրաժեշտության սննդամթերքի մատակարարումն է դադարեցվել ԼՂ-ին: Այսինքն՝ ԼՂ արտաքին աշխարհից սնունդ չի մտնում, նաև թույլ չի տրվում անհետաձգելի բժշկական կարիք ունեցող քաղաքացիների անցումը Լաչինի միջանցքով:
- Այսօր ժամը 10:00-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրակ են բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ:
- ՀՀ պետական բյուջեից կուսակցություններին և կուսակցական դաշիքներին 520,733 մլն դրամ աջակցություն կտրամադրվի։ Այդ գումարը քաղաքական ուժերի միջև կբաշխվի հետևյալ կերպ․ «Քաղաքացիական պայմանագիր» կուսակցություն՝ 268,309 մլն դրամ, «Հայաստան» դաշինքն՝ 163,221 մլն դրամ, «Բարգավաճ Հայաստան» կուսակցություն՝ 50,444 մլն դրամ և ՀՀԿ՝ 38,758 մլն դրամ։ Ըստ իրավական կարգավորման՝ պետական ֆինանսական աջակցություն ստանում են այն կուսակցությունները, որոնք Ազգային ժողովի ընտրությունների ժամանակ ստացել են երեք տոկոս և ավելի քվե։
Այս ժամի լուրերը՝ տեսանյութում։
