05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Ալեն Սիմոնյանը Լոնդոն է մեկնել բիզնես դասով․ պատվիրակության գործուղման ծախսերը կազմել են շուրջ 13 մլն դրամ
Հասարակություն
16.06.2023 | 12:16
ԱԺ նախագահ Ալեն Սիմոնյանը Լոնդոն է մեկնել ինքնաթիռի բիզնես դասով։ Այս մասին Factor.am-ի գրավոր հարցմանն ի պատասխան հայտնում են ԱԺ աշխատակազմից։ Նշենք, որ հունիսի 6-9-ը ԱԺ նախագահի գլխավորած պատվիրակությունն աշխատանքային այցով մեկնել էր Մեծ Բրիտանիայի թագավորություն։ Ալեն Սիմոնյանի գլխավորած պատվիրակության կազմում եղել է 12 հոգի՝ ներառյալ ինքը։
Պատվիրակության մյուս անդամները Լոնդոն են մեկնել էկոնոմ դասով։ Ընդհանուր ճանապարհածախսի համար պետբյուջեից հատկացվել է 5,7 մլն դրամ։ Ալեն Սիմոնյանը և պատվիրակության մյուս անդամները՝ ՔՊ-ականներ Ռուբեն Ռուբինյանը, Հայկ Կոնջորյանը, Սոնա Ղազարյանը, դաշնակցական Արթուր Խաչատրյանը և ԱԺ աշխատակազմի անդամները գիշերել են Լոնդոնի Royal Garden հյուրանոցում։ Այս հյուրանոցը գտնվում է Քենսինգթոնյան պալատի մոտ։ Ալեն Սիմոնյանի և մյուսների գիշերակացի համար վճարվել է 4,1 մլն դրամ։ Պատվիրակության անդամներին ընդհանուր 2,5 մլն դրամ է հատկացվել որպես օրապահիկ, 560 հազար դրամ էլ՝ վիզայի համար։ Ընդհանուր ծախսերը կազմել են 12,8 մլն դրամ։
Նարեկ Կիրակոսյան
