15.01.2026 | 22:37
ՀՀ տարածքում կան փակ ավտոճանապարհներ
Շուռնուխի բնակիչները շուտով կվերադառնան իրենց նոր տներ, որոնք շատ բարձր որակի են. Սյունիքի մարզպետ. ՏԵՍԱՆՅՈՒԹ
Տնտեսություն
15.06.2023 | 16:57
2022 թ․ աննախադեպ ծրագրեր են իրականացվել, հատկացումներ են կատարվել հիմնականում սուբվենցիոն ծրագրերի իրականացման, առաջնահերթ խնդիրներ լուծման համար․ Սյունիքի մարզում իրականացվել է 28 ծրագիր, ընդհանուր արժեքը՝ 7,25 միլիարդ դրամ՝ պետական մասնաբաժինը 4,5 մլրդ դրամ։ Այսօր ԱԺ նիստում բյուջեի կատարողականի քննարկման ժամանակ հայտնեց Սյունիքի մարզպետ Ռոբերտ Ղուկասյանը։
Մարզպետը տեղեկացրեց նաև, որ Սյունիքի մարզի Շուռնուխ գյուղում նոր բնակարանների կառուցման աշխատանքները շուտով կավարտվեն։
«Մենք Շուռնուխում 13 բնակարաններ ենք կառուցում, չնայած այնտեղ կան ուշացումներ, բայց շատ շուտով այդ ծրագիրը եւս կավարտվի, եւ Շուռնուխի բնակիչները կվերադառնան իրենց նոր տները, որոնք շատ բարձր որակի են։
Բացի դրանից, Սյունիքի մարզում կառուցվում են նաև բազմաբնակարան շենքեր։ Միայն Կապանում երեք բազմաբնակարան շենք է կառուցվում, եւ ոչ մի շինարարությունը չի դադարել այս ընթացքում։
Գորիս համայնքում արդեն երկու կազմակերպություններ հայտ են ներկայացրել բազմաբնակարան շենքեր կառուցելու համար»,- ասաց Ղուկասյանը։
Ըստ մարզպետի՝ կրթության ոլորտում ևս ներդրումներ են արվում, միայն երեք մոդուլային դպրոցներ են կառուցվում Դարբաս, Հաժիս եւ Վաղատին գյուղերում։
«Սյունիքի մարզում կրթական որակյալ ծառայությունների հասանելիության ապահովման ծրագիրը նախատեսում է մարզում շուրջ 40 կրթահամալիրներ կառուցել»,- նշեց Ղուկասյանը։
Մարզպետի խոսքով՝ անցած տարի Եվրամիությունը Սյունիքի մարզին հատկացնում էր 55 մլն դոլար, բայց վերջերս ԵՄ դեսպանը հայտարարեց, որ գումարը դարձել է 116 մլն եվրո։
Մանրամասները՝ տեսանյութում։
