14.08.2026 | 20:08
Աշտարակի խճուղում մեքենայից գազային ատրճանակով օդ է կրակել․ 19-ամյա երիտասարդը հայտնաբերվել է. ՆԳՆ
Արագ լուծում կտանք․ Քերոբյանը՝ ծիրանի մթերման գների ու արտահանման խնդիրների մասին․ ՏԵՍԱՆՅՈՒԹ
Տնտեսություն
14.06.2023 | 20:11
«Քաղաքացիական պայմանագիր» խմբակցության պատգամավոր Ռուստամ Բաքոյանն այսօր ԱԺ-Կառավարություն հարցուպատասխանի ժամանակ Էկոնոմիկայի նախարար Վահան Քերոբյանից հետաքրքրվեց ծիրանի բերքահավաքի, խաղողի մթերման գների վերաբերյալ: Պատգամավորի խոսքով՝ ծիրանի արտահանումը դժվարանում է, իսկ խաղողի գները, պայմանավորված ռուս-ուկրաինական պատերազմով, էժանանում են:
Քերոբյանը պատասխանեց, որ էական սուբսիդավորում է արվում լոգիստիկ ծախսերի մասով: Նախարարը հավաստիացրեց, որ առաջիկայում ուսումնասիրություններ կիրականացվեն տեղի և դրսի շուկաներում և կփորձեն արագ լուծումներ գտնել:
Ինչ վերաբերում է խաղողի մթերմանը, ապա Վահան Քերոբյանի փոխանցմամբ՝ գործարանները մինչև հուլիսի 1-ը այգեգործների հետ կնքելու են պայմանագրեր: Սակայն մթերումով զբաղվող ընկերությունների ներկայացուցիչների հետ խոսակցություններ ունեցել են, և այս պահի դրությամբ վիճակը հուսադրող չէ:
«Մենք չենք տեսնում, որ ամբողջ խաղողի բերքը մթերվելու է, և հիմա փորձում ենք հասկանալ այն մեթոդները, որ երկու ծայրերը բերենք, կպցնենք իրար»,- ասաց Վահան Քերոբյանը:
Նախարարի խոսքով՝ տնտեսվարողների մի մասի կողմից դրսևորվում է ոչ պատշաճ վարքագիծ: Մոսկվայում խանութների ցանցերին 0.5 լիտր կոնյակն առաջարկվում է 1 դոլար գնով, որն անհնար է, եթե խաղողի սպիրտից է պատրաստված:
Մանրամասները՝ տեսանյութում։
