15.09.2026 | 15:10
Միրզոյան-Բայրամով նոր հանդիպում է նախատեսվում // ԲՀԿ-ն կշարունակի քաղաքական գործունեությունը․ ԼՈՒՐԵՐ
ԵՄ դիտորդներն այցելել են Երասխում կառուցվող Ադրբեջանի կողմից թիրախավորված մետալուրգիական գործարանի տարածք
Քաղաքականություն
14.06.2023 | 18:03
ՀՀ-ում տեղակայված ԵՄ քաղաքացիական դիտորդական առաքելության անդամներն այցելել են Երասխում կառուցվող գործարանի տարածք, որն արդեն երկու օր է՝ Ադրբեջանի զինված ուժերի կրակի տակ է։
«ԵՄ դիտորդներն այցելել են Երասխի մետալուրգիական գործարանի կառուցման գոտի, որը գտնվում էր ադրբեջանական կրակոցների տակ»,- թվիթերյան իր էջում գրել է ՀՀ ԱԳ փոխնախարար Վահան Կոստանյանը։
Հիշեցնենք, որ ՀՀ ՊՆ-ի փոխանցմամբ՝ Ադրբեջանի զինված ուժերն այսօր ժամը 11:45-ի սահմաններում կրակ են բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորում են ստացել Հնդկաստանի քաղաքացիներ Մուհամադ Ասիֆը և Միրհասան Սահաջանը։
Երասխի ուղղությամբ Ադրբեջանի զինված ուժերը կրակ էին բացել նաև նախորդող օրը՝ վնասելով քաղաքացիական ավտոմեքենա։
Էմմա Չոբանյան
