15.01.2026 | 20:45
10,000 դոլար կաշառք՝ դատավորներին. երեք անձ ամբաստանյալի աթոռին է․ ՏԵՍԱՆՅՈՒԹ
Ադրբեջանը կրկին խախտել է հրադադարը Երասխում. Փաշինյանն ընդունել է Օվերչուկին. Լուրեր
Հասարակություն
14.06.2023 | 17:30
- Այսօր ժամը 11:45-ի սահմաններում Ադրբեջանի զինուժը կրակ է բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորում են ստացել Հնդկաստանի 2 քաղաքացի։ Առողջապահության նախարարությունից հայտնել են, որ Երասխում վիրավորում ստացած երկու օտարերկրացի աշխատակիցների առողջական վիճակը միջին ծանրության է։
- Դեպքի առթիվ քրեական վարույթ է նախաձեռնվել։ Ադրբեջանի սադրանքի հետևանքով վնասվել է գործարանում կայանված «ՎԱԶ 2106» ավտոմեքենան, իսկ մարդկային կորուստներից հնարավոր է եղել խուսափել կրակոցների ուղղության հատվածում պատահականորեն անձանց չգտնվելու պատճառով։
- ՊՆ-ից հայտնել են, որ ժամը 13:45-ին Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրկին կրակ են բացել Երասխի հատվածում տեղակայված հայկական դիրքերի ուղղությամբ։
- Վարչապետ Նիկոլ Փաշինյանն ընդունել է Ռուսաստանի փոխվարչապետ Ալեքսեյ Օվերչուկին: Կողմերը քննարկել են երկաթուղային հաղորդակցության վերականգնմանը, կողմերի սուվերենության և իրավազորության հիման վրա սահմանային ու մաքսային հսկողության իրականացմանը վերաբերող հարցեր։
Այս ժամի լուրերը՝ տեսանյութում։
