10.01.2025 | 23:14
ՊԵԿ նախագահն ընդունել է Հնդկաստանի դեսպանին
Ադրբեջանը ականանետ է կիրառել Սոթքում․ Սիմոնյանը հակադարձել է Սաղաթելյանի խոսքերին․ Լուրեր
Քաղաքականություն
13.06.2023 | 15:40
- Այսօր ժամը 11:30-11:45-ը, Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրակ են բացել Տրետուքի և Սոթքի հատվածում տեղակայված հայկական դիրքերի ուղղությամբ․ տեղեկացնում են ՀՀ ՊՆ-ից։ Սոթքի հատվածում Ադրբեջանի ԶՈՒ-ն կիրառել է նաև ականանետ:
- Հայաստանի ԱԳՆ-ից զգուշացրել են, որ Ադրբեջանի ՊՆ-ն տևական ժամանակ է, ինչ գրեթե ամեն օր կեղծ լուրեր է տարածում Լեռնային Ղարաբաղում՝ ռուս խաղաղապահների պատասխանատվության գոտում, ԼՂ պաշտպանության բանակի կողմից հրադադարի խախտումների վերաբերյալ։ Նշվում է, որ Ադրբեջանի ռազմաքաղաքական ղեկավարությունը հող է նախապատրաստում Լեռնային Ղարաբաղում հերթական ագրեսիվ գործողությունների և էթնիկ զտումների իրականացման համար: Հայտարարության մեջ նշվում է, որ այս պայմաններում հրատապ է Լեռնային Ղարաբաղի ժողովրդի իրավունքների և անվտանգության հարցերի հասցեագրումը միջազգային մեխանիզմի շրջանակներում Բաքու-Ստեփանակերտ երկխոսության միջոցով։
- Փաստաթուղթը, որի ստորագրման մասին խոսում է Նիկոլ Փաշինյանը, ոչ թե խաղաղության պայմանագիր է, այլ նոր կապիտուլացիա։ Այս մասին այսօրվա ասուլիսին հայտնել է ՀՅԴ Հայաստանի Գերագույն մարմնի ներկայացուցիչ վերընտրված Իշխան Սաղաթելյանը։ Նա նշել է, որ պետք է հասնեն նրան, որ ժողովուրդը դուրս գա պայքարի։
- ԱԺ նախագահ, ՔՊ անդամ Ալեն Սիմոնյանն էլ անդրադարձել է այս լուրերին և նշել է, թե իրենք են ազատություն տվել ընդդիմադիրներին և «ուրախ ամառ» մաղթեց նոր դիմադրության մասնակիցներին: Սիմոնյանը պնդել է, թե եթե վաղը ընտրություններ լինեն, ՔՊ-ն ավելի շատ ձայն կստանա, քան պատերազմից հետո։
Այս ժամի լուրերը՝ տեսանյութում։
