15.10.2026 | 21:51
Ադրբեջանցի ակտիվիստը, որը հիջաբի արգելքի դեմ բողոքող դպրոցականների համար ուսուցում էր կազմակերպել, անհետ կորել է
Մոսկվայում անվճար կցուցադրեն Կարեն Շախնազարովի ֆիլմերը
Մշակույթ
05.07.2017 | 15:58
Կարեն Շախնազարովի ծննդյան 65-ամյակի առթիվ հուլիս ամսվա ընթացքում Մոսկվայի բնակիչները կկարողանան անվճար դիտել նրա ֆիլմերը. տեղեկացնում է ria.ru-ն:
«Հուլիսի 6-ից 26-ը «Մոսկինո» կինոթատրոնների ցանցը կկազմակերպի ռեժիսորի ֆիլմերի անվճար ցուցադրությունը: Ընդհանուր առմամբ նախատեսված է 27 ցուցադրություն, որի ընթացքում կցուցադրվի 14 ֆիլմ՝ այդ թվում նաև ռեժիսորի առաջին կինոնկարը («Բարիները», 1979թ.)»,- ասված է հաղորդագրությունում:
Նշենք, որ ռեժիսորին լայն ճանաչում է բերել «Մենք ջազից ենք» երաժշտական ֆիլմը, որն էկրան է բարձրացել 1983թ.: Նրա նկարահանած ֆիլմերն արժանացել են ավելի քան 50 միջազգային ու ազգային մրցանակի, 2 անգամ մասնակցել են Կաննի կինոփառատոնին և 2 անգամ ներկայացվել հեղինակավոր «Օսկար» մրցանակի:
