16.05.2024 | 13:27
Տիգրան Աբրահամյանը՝ սահմանազատման վերաբերյալ հայ-ադրբեջանական արձանագրության մասին․ ՏԵՍԱՆՅՈՒԹ
ԱՄՆ սենատորները Բաքվին դատապարտող բանաձև են ներկայացրել
Քաղաքականություն
09.06.2023 | 11:59
ԱՄՆ սենատորներ Ալեքս Պադիլիան և Մարկո Ռուբիոն նախօրեին բանաձև են ներկայացրել, որը դատապարտում է Բաքվին Լաչինի միջանցքը փակելու համար և կոչ անում ԱՄՆ-ին անհապաղ քայլեր ձեռնարկել՝ վերջ դնելու հումանիտար ճգնաժամին։ Այս մասին հայտնում ԱՄՆ Հայկական համագումարը։ Նշվում է, որ բանաձև է ներկայացվել նաև Ներկայացուցիչների պալատում Ֆրենկ Փալոնի և Գազ Բիլիրակիսի կողմից։
«Ադրբեջանի կողմից Լաչինի միջանցքի շրջափակումը, որը Լեռնային Ղարաբաղը Հայաստանին կապող միակ ճանապարհն է, անմարդկային է և անընդունելի։ Շրձջափակումտը ստեղծել է հումանիտար ճգնաժամ՝ Լեռնային Ղարաբաղի 120,000 հայերին զրկելով սննդից, դեղորայքից և առաջին անհրաժեշտության այլ պարագաներից: Մեր բանաձևը կհստակեցնի, որ Միացյալ Նահանգները պետք է քայլեր ձեռնարկի Ադրբեջանին պատասխանատվության ենթարկելու համար»,-ասել է Պադիլիան։
Կոնգրեսական Ֆրենկ Փալոնն էլ նշել է, որ կանգնած է իր գործընկերների կողքին՝ դատապարտելով Ադրբեջանի կողմից Արցախի շարունակական շրջափակումը։
«Հասկանալի է, որ Ադրբեջանի կողմից Լաչինի միջանցքի շրջափակումը համակարգված է և նպատակ ունի փակել սննդամթերք, դեղորայք, տրանսպորտ, ինչպես նաև առաջին անհրաժեշտության այլ ապրանքներ Արցախ հասցնելու միակ ճանապարհը։ Մենք միասնական ենք՝ ասելու Ադրբեջանին՝ վերջ տալ այս նպատակադրված հումանիտար ճգնաժամին»,-նշել է կոնգրեսականը։
Հիշեցնենք, որ ապրիլի 23-ից Ադրբեջանը Լաչինի միջանցքում ապօրինի անցակետ է տեղադրել՝ ավելի խորացնելով Արցախի շրջափակումն ու հումանիտար ճգնաժամը։
