23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
ՀՀ բնակչության շուրջ 37%-ն ապրում է մայրաքաղաքում․ Երևանի մշտական բնակչությունն աճել է
Հասարակություն
08.06.2023 | 21:40
2023թ-ի ապրիլի 1-ի դրությամբ ՀՀ բնակչության թվաքանակը նախորդ տարվա նույն ամսվա համեմատ աճել է 0.7%-ով՝ կազմելով 2,961,600 մարդ: Այս մասին տեղեկանում ենք Վիճակագրական կոմիտեի հրապարակած տվյալներից։
Հայաստանի բնակչության մոտ 37%-ը բնակվում է Երևանում: Մայրաքաղաքում 1 տարում մշտական բնակչության թիվն ավելացել է շուրջ 7100-ով։ Եթե 2022 թվականի ապրիլի 1-ին Երևանում մշտական բնակվում էր շուրջ 1 մլն 93 հազար 200 մարդ, 2023 թվականի ապրիլի 1-ի դրությամբ մայրաքաղաքի մշտական բնակչության թիվը 1 մլն 100 հազար 200 է։
1 տարում աճը կազմել է շուրջ 0.6%։
Համեմատելով վերջին 10 տարվա տվյալները՝ ապրիլի 1-ի դրությամբ, կարող ենք փաստել, որ 2013 թվականից ի վեր Երևանի բնակչությունն աճել է շուրջ 30 հազարով։
