26.06.2026 | 02:03
ԱԱ-2026. Գերմանիան անակնկալ պարտություն կրեց, Կոտ դ’Իվուարը հաղթեց. ՏԵՍԱՆՅՈՒԹ
Ուղիղ երկխոսությունն առանցքային է, կայուն ու արժանապատիվ խաղաղության համար․ԱՄՆ Պետդեպը՝ Վաշինգտոնում կայանալիք Հայաստան-Ադրբեջան հանդիպման մասին
Քաղաքականություն
08.06.2023 | 11:11
ԱՄՆ Պետքարտուղարության փոխխոսնակ Վեդանտ Պատելը նախօրեի ճեպազրույցում դարձյալ անդրադարձել է հաջորդ շաբաթ Վաշինգտոնում կայանալիք Հայաստան-Ադրբեջան բանակցություններին։
«Ես չեմ պատրաստվում հաստատել կամ նշել ժամանակացույցի կամ հնարավոր ամսաթվերի վերաբերյալ որևէ տեղեկություն․միայն կասեմ, ինչպես լսել ենք ինձնից այս շաբաթ ավելի վաղ, մենք անհամբեր սպասում ենք Վաշինգտոնում բանակցությունների ևս մեկ փուլի հյուրընկալմանը, քանի որ կողմերը շարունակում են խաղաղ ապագայի ձգտել Հարավային Կովկասի տարածաշրջանում: Դուք լսել եք պետքարտուղարին ու մյուսներին այս թեմայով խոսելիս։ Մենք շարունակում եք հավատալ, որ ուղիղ երկխոսությունը առանցքային է կայուն ու արժանապատիվ խաղաղության համար»,-ասել է Պատելը։
Հավելենք, որ Վաշինգտոնում Հայաստանի ու Ադրբեջանի ԱԳ նախարարների մասնակցությամբ բանակցությունները նախատեսվում են հունիսի 12-ին։
