06.06.2026 | 11:56
Արամ Դանիելյանից կբռնագանձվեն բնակարաններ, հողամասեր, մեքենաներ և 100 մլն դրամ
ԼՂ-ում ներկա իրավիճակը մտահոգիչ է և բացասական հումանիտար ազդեցություն ունի. ԵԱՀԿ-ում ԵՄ արձագանքը՝ Բայրամովին
Քաղաքականություն
07.06.2023 | 20:40
Վիեննայում նախօրեին ԵԱՀԿ Մշտական խորհրդի հատուկ նիստում Ադրբեջանի ԱԳ նախարար Ջեյհուն Բայրամովի ելույթին իր արձագանքում կազմակերպությունում ԵՄ պատվիրակության պատասխանում անդրադարձ կա Արցախյան հակամարտությանը։
«Մենք կոչ ենք անում Ադրբեջանին մշակել դրական օրակարգ, որը կպաշտպանի Լեռնային Ղարաբաղում հայ բնակչության իրավունքներն ու անվտանգությունը։ Ներկա իրավիճակը մտահոգիչ է և բացասական հումանիտար ազդեցություն է թողնում, քանի որ էթնիկ հայ բնակչությունը բազմիցս բախվում է հիմնական էներգետիկ և կապի ծառայությունների խափանումներին, հրադադարի հաճախակի խախտումները լուրջ մտահոգություն են առաջացնում նրանց բարեկեցության վերաբերյալ»,- ասվում է հայտարարության մեջ։
Բրյուսելը կոչ է անում Բաքվին՝ վերացնել սահմանափակումները։
«Մենք կոչ ենք անում Բաքվին կոնկրետ քայլեր ձեռնարկել էթնիկ հայ բնակչության սահմանափակումները վերացնելու համար՝ ապահովելով էներգիայի կայուն մատակարարում և թույլ տալով, որ պահպանվի էլեկտրաէներգիայի ցանցը: Մենք կոչ ենք անում բոլոր կողմերին զերծ մնալ թշնամական հռետորաբանությունից, փոխարենը խթանել մի նարատիվ, որը վստահություն է ձևավորում և ստեղծում խաղաղ բանակցությունների համար բարենպաստ միջավայր»,- ասվում է հայտարարության մեջ։
Նշվում է, որ ԵՄ-ն հանձնառու է շարունակելու աշխատանքը դեպի անվտանգ, կայուն, խաղաղ և բարգավաճ Հարավային Կովկաս՝ ի շահ տարածաշրջանում ապրող բոլոր մարդկանց։
Էմմա Չոբանյան
