15.01.2026 | 23:03
Ֆուտզալի Հայաստանի հավաքականի հերթական հաղթանակը
Նման իրավիճակները չեն կարող բացառվել. ՆԳ փոխնախարարը` ոստիկանական բռնությունների մասին
Հասարակություն
07.06.2023 | 12:40
«Կա կարգապահական վարույթ, որի շրջանակներում հարցը քննարկվում է»,- այս մասին այսօր լրագրողների հետ զրույցում նշեց ՆԳ փոխնախարար Արփինե Սարգսյանը՝ անդրադառնալով դիտարկմանը, որ օրերս կարմիր բերետավորը քաղաքացուն «սամասուդ» է արել։ Փոխնախարարը հորդորեց, որ այդպիսի միջադեպերի դեպքում դրանք չվերագրել ՆԳՆ համակարգի ռեֆորմներին և չհարցնել՝ սա տեղավորվո՞ւմ է, թե ոչ ՆԳՆ ժողովրդավարության մեջ, թե ոչ։
Անդրադառնալով Դիլիջանի քրեականի պետի կողմից անչափահաս տղային ծեծի ենթարկելու դեպքին՝ Սարգսյանը նշեց, որ այդ գործով քրեական վարույթ է հարուցվել․ «Տեղեկությունը ստացել է հենց Ոստիկանության ներքին անվտանգության վարչությունը և հարուցել է ծառայողական քննություն ու կասեցրել տվյալ ծառայողի լիազորությունները։ Ցանկացած բռնություն ընդունելի չէ»։
Անդրադառնալով հարցին, թե ինչու բարեփոխումներից մեկ տարի անց ոստիկանը ոչ թե առաջնորդվում է օրենքով, այլ տղայական մակարդակով հարցերը լուծելու ճանապարհով է գնում, ՆԳ փոխնախարարը նշեց․ «Նման իրավիճակները բացառված չեն, այսպիսի եզակի դեպքեր կարող են լինել։ Կարևորը պետության արձագանքն է, նշված երկու դեպքերում էլ իրականացվել է ծառայողական քննություն և դադարեցվել են ծառայողների լիազորությունները»։
Մանրամասները՝ տեսանյութում։
