06.10.2026 | 17:26
ԱՀԿ-ն հաստատել է՝ Հայաստանը հասել է հեպատիտ B-ի վերահսկման թիրախներին
Ադրբեջանի ԶՈւ-ն Տեղ գյուղի հողատարածքների ինչ-որ հատվածներից հետ է գնացել. մարզպետ․ ՏԵՍԱՆՅՈՒԹ
Քաղաքականություն
06.06.2023 | 11:51
Վերջին երկու շաբաթվա ընթացքում որևէ միջադեպ չի նկատվել։ Այս մասին խորհրդարանում լրագրողների հետ ճեպազրույցում ասաց Սյունիքի մարզպետ Ռոբերտ Ղուկասյանը։
Մարզպետն ընդգծեց, որ Տեղ գյուղի հատվածում երկու կողմից ինժեներական աշխատանքներ են իրականացվում, ադրբեջանցիները ինչ-որ տեղերում հետ են գնացել։
Անդրադառնալով գյուղացիների կրած վնասներին՝ Ղուկասյանը նշեց․ «Այն գյուղացիները, որոնք իրենց տարածքներ չեն կարողանում մուտք գործել, այս տարվա չիրացված եկամտի համար կստանան աջակցություն, քանի որ ես վստահ եմ, որ Ադրբեջանը պետք է հետ գնա այնտեղ, որտեղից առաջ է եկել։
Ինչ-որ տեղերում, գիտեմ, որ ադրբեջանցիները հետ են գնացել, բայց ասել, թե կոնկրետ որ տեղերից քանի մետր են գնացել, չեմ կարող ասել, որովհետեւ ԱԱԾ սահմանապահ զորքերի տարածքում է, և իրենք չեն զեկուցում ինձ մանրամասների մասին, ինչ էլ ասեմ, ենթադրություն է լինելու»։
Մարզպետի խոսքով՝ Տեղ գյուղում շուրջ 50 ընտանիք իրենց հողատարածքները մշակելու խնդիր ունեն։
«Ադրբեջանը պետք է հետ գնա մեր սուվերեն տարածքից, դա միանշանակ դիրքորոշում է»,- ընդգծեց Ղուկասյանը։
Մանրամասները՝ տեսանյութում։
