06.10.2026 | 17:26
ԱՀԿ-ն հաստատել է՝ Հայաստանը հասել է հեպատիտ B-ի վերահսկման թիրախներին
1975 թվականի քարտեզը լավագույն իրավական հիմքն է․ Արարատ Միրզոյան․ ՏԵՍԱՆՅՈՒԹ
Քաղաքականություն
05.06.2023 | 17:16
Ազգային ժողովում 2022 թվականի պետական բյուջեի կատարողականի քննարկման ժամանակ «Հայաստան» խմբակցության պատգամավոր Արթուր Խաչատրյանը ԱԳ նախարար Արարատ Միրզոյանին հարցրեց, թե ի՞նչ տեսակետ ունի հայկական կողմը Ադրբեջանի ԱԳՆ-ի այսօրվա տարածած հայտարարության մասին, թե «որևէ համաձայնություն ձեռք չի բերվել որևէ քարտեզի հիման վրա սահմանազատում իրականացնելու վերաբերյալ»:
«Ես չեմ սիրում մեկնաբանել արտգործնախարարությունների հայտարարությունները, մենք անհրաժեշտության դեպքում հանդես կգանք մեկնաբանությամբ։ Բայց կարծեմ հայտարարությունը, որը դուք նշում եք, մի փոքր այլ դիրքորոշում է արտահայտում, քան այն, ինչ ձեր կուսակցական ընկերոջ պատկերացմամբ պետք է լիներ։
Վստահություն կար, որ 1975 թվականի քարտեզն աջակցություն է ստանում և առաջ է մղվում հենց Ադրբեջանի կողմից, մինչդեռ հայտարարությունը, որը քիչ առաջ եղել է, այդքան էլ այդ մասին չէ։
Ես ուզում եմ կրկնել այն, ինչ ասում էի․ մեզ անհրաժեշտ է գտնել այն փաստաթուղթը, որն իրավական առումով հնարավորինս անխոցելի է, այն առումով, որ ընդունված է ԽՍՀՄ իրավասու մարմնի կողմից և վավերացված է Ադրբեջանի և Հայաստանի սովետական սոցիալիստական հանրապետության իրավասու մարմինների կողմից և որով սահմանվել են մեր սահմանները։ Եվ, ահա, ամենաթարմ փաստաթուղթը, մեր համոզմամբ, 1975 թվականի քարտեզն է»,- նշեց Արարատ Միրզոյանը։
Արտգործնախարարի խոսքով՝ Ալմաթիի հռչակագիրն ու 1975 թվականի քարտեզն այն փաստաթղթերն են, որոնցով նախկին ԽՍՀՄ հանրապետությունների միջև սահմանները ֆիքսվել են, դարձել միջպետական սահմաններ։
Մանրամասները՝ տեսանյութում։
