15.09.2026 | 14:26
Փետրվարի 8-ից «խվատայկաները» կհամարվեն շահումով խաղ․ ՊԵԿ
Ինձ զանգահարել են բողոքը հետ վերցնելու համար. Աշոտ Փաշինյան․ ՏԵՍԱՆՅՈՒԹ
Հասարակություն
05.06.2023 | 15:07
Վարչապետ Նիկոլ Փաշինյանի որդին` Աշոտ Փաշինյանը դատարան է ներկայացել առանց պաշտպանի: Վերջինս իր վերաբերյալ տվյալներ ներկայացնելիս ասաց, որ ապրում է Գարեգին Նժդեհի փողոցում, որից կարելի է եզրակացնել, որ ճիշտ են տեղեկություններն այն մասին, որ Աշոտ Փաշինյանը ընտանիքի մյուս անդամների հետ չի ապրում:
Գայանե Հակոբյանի խափանման միջոցի հարցի քննության ընթացքում դատախազ Դանիելյանն ասաց, որ գործի նախաքննության ընթացքում զոհված զինծառայողներից մեկի ծնողը` Վիգեն Ազատյանը զանգահարել է տուժողին` Աշոտ Փաշինյանին:
Վերջինս հաստատեց: «Այո, ինձ զանգել են` բողոքը հետ վերցնելու հարցով»,-ասաց Աշոտ Փաշինյանը:
Վարչապետի որդին, սակայն ինքնուրույն դիրքորոշում չհայտնեց Հակոբյանի խափանման միջոցի ընտրության վերաբերյալ` նշելով, որ ինքն իրավաբան չէ և մեղադրողի դիրքորոշմանն է միանում, իսկ մեղադրողը պնդում էր, որ պետք է կալանավորել Գայանե Հակոբյանին:
Արաքս Մամուլյան
