16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ցեղասպանության հարցը ՀՀ-Թուրքիա հարաբերությունների կարգավորման քննարկման մաս չի կազմել․ Միրզոյան․ ՏԵՍԱՆՅՈՒԹ
Քաղաքականություն
05.06.2023 | 11:55
Հայոց ցեղասպանության ճանաչման, դատապարտման հարցը երբևէ ՀՀ-Թուրքիա հարաբերությունների կարգավորման քննարկման մաս չի կազմել։ Ազգային ժողովում արտաքին հարաբերությունների ու ֆինանսավարկային և բյուջետային հարցերի մշտական հանձնաժողովների համատեղ նիստում այս հայտարարությունն արեց ՀՀ արտաքին գործերի նախարար Արարատ Միրզոյանը։
ՀՀ արտգործնախարարն ընդգծեց, որ Թուրքիայի կողմից նախապայմաններ երբևէ չեն առաջադրվել Հայաստան–Թուրքիա հարաբերությունների կարգավորման գործընթացի համար։
«Երկու կողմերն էլ բազմիցս հայտարարել են և ընդգծել, որ նախապայմաններ չկան, և նպատակը հարաբերությունների վերջնական կարգավորումն է»,- նշեց Միրզոյանը՝ հավելելով, որ իշխանությունների տարբեր ներկայացուցիչների կողմից, այդ թվում` բարձրագույն, ներկայացվել են տեսակետներ, մեկնաբանություններ։ Նախարարը շեշտեց` Հայոց ցեղասպանության ճանաչման, դատապարտման հարցը երբևէ այդ քննարկումների մաս չի կազմել։
Միրզոյանի խոսքով` այդ հարցը պարզապես օրակարգում չկա։
Մանրամասները՝ տեսանյութում։
