15.09.2026 | 15:33
Վարչապետը մասնակցել է «Հայաստան» համահայկական հիմնադրամի հոգաբարձուների խորհրդի հերթական նիստին
Հարգելի՛ գլխավոր դատախազ, երեխայի ծեծի գործը կասեցրած, կոծկած մարդկանց հարց չունե՞ք տալու. Կարապետյանց․ ՏԵՍԱՆՅՈՒԹ
Հասարակություն
05.06.2023 | 11:50
Թերևս այս դեպքն այսպիսի մեծ արձագանքի չէր արժանանա, եթե տեսանյութ չհրապարակվեր։ Ցավոք, հասարակությունը խոսքային հայտարարություններն այնպես չի ընկալում, ինչպես տեսանյութերի բովանդակությունը։ «Ո՞վ պետք է պաշտպանի երեխայի իրավունքները» թեմայով քննարկման ժամանակ այս տեսակետը հայտնեց իրավապաշտպան Նինա Կարապետյանցը՝ անդրադառնալով վերջերս Դիլիջանի քրեականի պետի կողմից 16-ամյա տղային ծեծի ենթարկելու դեպքին։
Իրավապաշտպանը նաև ընդգծեց, որ մարդիկ կա՛մ տեսանյութ դիտելուց, կա՛մ անձամբ խնդրին բախվելուց հետո են հասկանում, թե ինչ երևույթի հետ գործ ունեն։
«Տարիներ շարունակ այս խնդրի մասին բարձրաձայնվում է, բայց բավարար արձագանք չկա և խնդրին լուծում չի տրվում։ 2018թ․ խոստումներ են տրվել իրավապահ համակարգում բարեփոխումների, բարեվարքության ու զտումներ անելու վերաբերյալ, սակայն նույն խնդիրները շարունակում են մնալ»,- նշեց Կարապետյանցը։
«Հարգելի՛ գլխավոր դատախազ, երեխայի ծեծի գործը կասեցրած, կոծկած մարդկանց հարց չունե՞ք տալու»,- հեռակա հարց ուղղեց իրավապաշտնաը՝ նկատելով, որ շատ դեպքերում աղմուկից հետո կալանք է դրվել, բայց հենց որ աղմուկը հանդարտվել է, գործը կասեցրել են կամ քնեցրել են։
Մանրամասները՝ տեսանյութում։
