26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Շենքի շինարարական աշխատանքների հետևանքով վնասվել է մետրոյի «Հանրապետության հրապարակ» կայարանի պատը
02.06.2023 | 18:19
Երևանի Տիգրան Մեծի պողոտայում կառուցվող շենքերից մեկում շինարարական աշխատանքների հետևանքով վնասվել է մետրոյի «Հանրապետության հրապարակ» կայարանի պատը: Այս մասին Factor.am-ի հետ զրույցում ասաց Երևանի՝ Կարեն Դեմիրճյանի անվան մետրոպոլիտենի մամուլի քարտուղար Տաթև Խաչատրյանը։
«Աննշան վնասվել է կայարանի պատը, ինչն արձանագրել է մետրոպոլիտենի պահպանության բաժինը։ Այս պահին նորակառույց շենքի շինարարական աշխատանքները դադարեցվել են, քանի որ շարունակելու պատճառով հնարավոր է ավելի մեծ վնաս պատճառվեր»,- հայտնեց նա։
Խաչատրյանը հերքեց տարածված այն տեղեկությունները, թե պատն իրականում փլվել է։ «Այնքան աննշան է, որ անգամ այս մասով հաղորդագրություն չենք տարածել»,- նշեց խոսնակը։
Երևանի քաղաքապետարանի մամուլի քարտուղար Լևոն Սարդարյանը Factor.am-ի հետ զրույցում նշեց, որ այս պահին շենքի շինարարական աշխատանքները կասեցված են. «Ուսումնասիրություններ են կատարվում վնասի պատճառի մասով, ինչից հետո կորոշվի՝ կշարունակվե՞ն շենքի աշխատանքները, թե ոչ»։
Ռոզա Վարդանյան
