06.06.2026 | 14:39
«Հանրապետություն» կուսակցությունը դեռևս որոշում չունի՝ կդիմի վարչական դատարան, թե՝ ոչ. հայտնում են, որ եռօրյա ժամկետ ունեն
Քննիչների գործից հետո ՔԿ Արաբկիրի քննչական բաժնի պետ Գառնիկ Մաթևոսյանն ու երկու տեղակալներն ազատվել են պաշտոններից
Հասարակություն
02.06.2023 | 13:06
ՀՀ քննչական կոմիտեի նախագահ Արգիշտի Քյարամյանի հրամաններով զբաղեցրած պաշտոններից նախօրեին ազատվել են ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնի պետ Գառնիկ Մաթևոսյանը և նույն ստորաբաժանման պետի տեղակալներ Արտակ Մկրտչյանը և Արմեն Մուրադյանը:
ՔԿ նախագահի մեկ այլ հրամանով ՀՀ քննչական կոմիտեի Երևան քաղաքի քննչական վարչության պետի տեղակալ Նարեկ Շահինյանը գործուղվել է ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժին՝ ստորաբաժանման աշխատանքները կազմակերպելու նպատակով:
Այս մասին հայտնում են քննչական կոմիտեից։
Factor-ի տեղեկություններով՝ ազատումները կապված են Արաբկիրի քննչական բաժնի քննիչների գործի հետ։
Հիշեցնենք, որ մայիսի 31-ին Ազգային անվտանգության ծառայությունը խուզարկություններ է իրականացրել Քննչական կոմիտեի Արաբկիրի քննչական բաժնում, ուսումնասիրել մի քանի քննիչի վարույթում եղած գործերը։ Արաբկիրի 4 քննիչի մեղադրանք է ներկայացվել Քրեական օրենսգրքի 393-րդ հոդվածի 1-ին մասով և 441-րդ հոդվածի 2-րդ մասով՝ իրացնելու նպատակով թմրամիջոց ձեռք բերելը և պաշտոնեական լիազորությունները չարաշահելը կամ անցնելը։
Արաքս Մամուլյան
