14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
87 % կատարողականը այդքան էլ վատ չէ, ավելի վատ գերատեսչություններ էլ ունենք․ Պապոյան․ ՏԵՍԱՆՅՈՒԹ
Տնտեսություն
01.06.2023 | 17:40
ՀՀ ԱԺ առողջապահության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում հունիսի 1-ին շարունակվեց «Հայաստանի Հանրապետության 2022 թվականի պետական բյուջեի կատարման մասին» հաշվետվության քննարկումը:
Քննարկվեց առողջապահության ոլորտի եկամուտների և ծախսերի կատարողականը:
ՀՀ ֆինանսների նախարար Վահե Հովհաննիսյանի տեղեկացմամբ՝ Առողջապահության նախարարությունը հաշվետու տարում իրականացրել է 12 ծրագիր: Նախարարության տարեկան պլանը կազմել է 119 մլրդ 696 մլն դրամ, ճշտված պլանով հատկացվել է 142 մլրդ 440 մլն դրամ, և փաստացի իրականացվել է 140 մլրդ 622 մլն դրամի ծախս, որի կատարողականը կազմել է 98,7 տոկոս:
Նախարարի խոսքով՝ 2022 թվականին 2021 թվականի համեմատ բյուջեն կազմել է 89,1 տոկոս, այսինքն՝ նախարարության բյուջեն նվազել է, ինչը հիմնականում պայմանավորված է եղել քովիդի գծով 2021 թվականին իրականացված շատ ավելի մեծ չափերի ծախսով, քան եղել է 2022 թվականին: 2021 թվականին քովիդի բուժման համար հատկացվել էր 27,7 մլրդ դրամ, մինչդեռ 2022 թվականին ծախսվել է 10 մլրդ 845 մլն դրամ: 2021 թվականին նաև պատվաստանյութ է ձեռք բերվել, որի գծով 2022 թվականին ծախսեր չեն իրականացվել: Տարվա ընթացքում եղել են վերաբաշխումներ:
«87 % կատարողականը այդքան էլ վատ չէ, ավելի վատ գերատեսչություններ էլ ունենք»,- այս մասին նշեց ԱԺ ֆինանսավարկային և բյուջետային հարցերի մշտական հանձնաժողովի նախագահ Գևորգ Պապոյանը։
Մանրամասները՝ տեսանյութում։
