12.05.2024 | 18:28
«Տավուշը հանուն հայրենիքի» շարժման 3-րդ հանրահավաքը Հանրապետության հրապարակում. ՈՒՂԻՂ
Հուսով եմ՝ կկարողանանք վերահաստատել քաղաքական կամքը ՀՀ-Ադրբեջան հարաբերությունների կարգավորման համար․ Շառլ Միշելը՝ Քիշնևում․ ՏԵՍԱՆՅՈՒԹ
Քաղաքականություն
01.06.2023 | 14:08
Եվրոպական խորհրդի նախագահ Շառլ Միշելը, ժամանելով Մոլդովայում անցկացվող Եվրոպական քաղաքական համայնքի գագաթնաժողովին, պատասխանել է լրագրողների հարցերին՝ անդրադառնալով նաև այսօր կայանալիք Հայաստան-Ադրբեջան բանակցություններին։
«Կարևոր հանդիպում է, որը տեղի կունենա այսօր։ Մի քանի շաբաթ առաջ Բրյուսելում առիթ եմ ունեցել հանդիպելու և՛ Ադրբեջանի, և՛ Հայաստանի ղեկավարների հետ։ Մենք որոշակի առաջընթաց գրանցեցինք, և հուսով եմ՝ կկարողանանք վերահաստատել ընդհանուր քաղաքական կամքը երկու երկրների միջև հարաբերությունների կարգավորման համար»,- ասել է Միշելը։
Հիշեցնենք, որ այսօր տեղի է ունենալու հնգակողմ հանդիպում ՝Հայաստանի և Ադրբեջանի ղեկավարներ Նիկոլ Փաշինյանի ու Իլհամ Ալիևի, ինչպես նաև Ֆրանսիայի նախագահի, Գերմանիայի կանցլերի և Շառլ Միշելի մասնակցությամբ։
Էմմա Չոբանյան
