06.10.2026 | 17:26
ԱՀԿ-ն հաստատել է՝ Հայաստանը հասել է հեպատիտ B-ի վերահսկման թիրախներին
ԱՄՆ-ն արդյունավետ հանդիպում է ակնկալում Քիշնևում
Քաղաքականություն
31.05.2023 | 11:25
Պաշտոնական Վաշինգտոնը արդյունավետ հանդիպում է ակնկալում Քիշնևում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև: Այս մասին հայտարարել է Պետդեպարտամենտի մամուլի ծառայության ղեկավար Մեթյու Միլլերը։ Վերջինս նշել է, որ ԱՄՆ-ն գոհ է, որ Հայաստանի և Ադրբեջանի միջև բանակցությունները շարունակվում են։
«Ինչպես ասել է պետքարտուղար Բլինքենը, Հարավային Կովկասում խաղաղություն հնարավոր է ձեռք բերել։ Մենք բարձր ենք գնահատել վերջերս վարչապետ Փաշինյանի խաղաղությանը նվիրվածության համար և ողջունում ենք նախագահ Ալիևի վերջին հայտարարությունները համաներման քննարկման վերաբերյալ։ Հայաստանի և Ադրբեջանի ղեկավարները այս շաբաթվա վերջին Քիշնևում կհանդիպեն մեր եվրոպացի գործընկերների հետ, և մենք հուսով ենք, որ դա արդյունավետ քայլ կլինի այս խնդիրները բանակցային սեղանի շուրջ լուծելու համար, այլ ոչ բռնության միջոցով։
Ագրեսիվ հռետորաբանությունը կարող է միայն հավերժացնել անցյալի բռնությունը. կառուցողական երկխոսությունը՝ և՛ հանրային, և՛ մասնավոր, կարող է ստեղծել խաղաղություն, հնարավորություն և հույս: Միացյալ Նահանգները պատրաստ է աջակցել երկու կողմերի ջանքերին` կնքելու կայուն և արժանապատիվ խաղաղության համաձայնագիր», ասել է ամերիկացի պաշտոնյան:
Տաթև Ֆռանգյան
