08.04.2026 | 17:07
Թեոդոսիայում, նավթաբազայի հարակից փողոցներում, երթևեկությունը փակ է. այն հարձակման է ենթարկվել ուկրաինական ԱԹՍ-ների կողմից
Իսրայելի նախագահն Ալիևի հետ քննարկել է անվտանգության գլոբալ և տարածաշրջանային կառուցվածքը, որում «Իրանը սպառնալիք ու վտանգ է ստեղծում»
Քաղաքականություն
30.05.2023 | 21:50
Պաշտոնական այցով Բաքվում գտնվող Իսրայելի նախագահ Իսահակ Հերցոգն Ադրբեջանի նախագահ Իլհամ Ալիևի հետ բանակցություններից հետո մամուլի համար արված համատեղ հայտարարությունում նշել է, որ Ադրբեջանն էներգետիկ առումով ազդեցություն ունի Եվրոպայում, Ասիայում, Մերձավոր Արևելքում, գրում են ադրբեջանական լրատվամիջոցները։
«Մենք դիտարկել ենք անվտանգության գլոբալ, տարածաշրջանային կառույցը, որում Իրանը վտանգ ու սպառնալիք է ներկայացնում։ Մանրամասն քննարկել ենք այդ հարցը»,- ասել է Իսրայելի նախագահը։
Նա նշել է, որ ակնկալում են զարգացնել համագործակցությունը գիտության, գյուղատնտեսության և բազմաթիվ այլ ոլորտներում։
«Մենք նշում ենք Իսրայելի անկախության 75-ամյակը, ինչպես նաև մեր երկրների միջև մեր շատ ամուր հարաբերությունների 30-ամյակը։ Վստահ եմ, որ իմ և իմ պատվիրակության այս այցը կարևոր հանգրվան կդառնա մեր հարաբերությունների հետագա զարգացման գործում»,- հավելել է Հերգոցը։
Էմմա Չոբանյան
