25.07.2026 | 18:12
Փաշինյանը և Մակրոնը քննարկել են քննարկել են Հայաստան–Ֆրանսիա ռազմավարական գործընկերության օրակարգին վերաբերող հարցեր
Ադրբեջանի բանակն ականանետ է կիրառել Արցախում․ Միշելը՝ Բաքու-Ստեփանակերտ երկխոսության մասին․ Լուրեր
Քաղաքականություն
30.05.2023 | 17:00
- Ադրբեջանի ԶՈւ-ն այսօր Արցախի շփման գծի հյուսիսային և արևելյան ուղղությամբ խախտել է հրադադարը` կիրառելով հրաձգային զենք և ականանետ։ Ժամը 11։40- ի սահմաններում ադրբեջանական կողմը նախնական տվյալներով 60 մմ տրամաչափի ականանետից 7 ական է արձակել ՊԲ դիրքերից մեկի ուղղությամբ․ տեղեկացնում են Արցախի ՊԲ-ից։ Հայկական կողմը կորուստներ չի ունեցել։ Հրադադարի խախտման մասին հաղորդվել է ՌԴ խաղաղապահ զորակազմի հրամանատարությանը։ Մայիսի 30-ի ժամը 13։00-ի դրությամբ իրավիճակը շփման գծում հարաբերականորեն կայուն է եղել։
- Եվրոպական խորհրդի նախագահ Շառլ Միշելն անդրադարձել է հունիսի 1-ին Քիշնևում Եվրոպական համայնքի գագաթնաժողովի շրջանակում սպասվող Հայաստան-Ադրբեջանի բանակցություններին և նշել է, որ Բաքվի և նախկին ԼՂԻՄ-ում ապրող հայերի միջև երկխոսությունն իրենց իրավունքների ու անվտանգության վերաբերյալ այժմ էական նշանակություն ունի։ Ըստ Միշելի, կարևոր է զերծ մնալ մաքսիմալիստական դիրքորոշումներից և նպատակադրվել երկխոսության։
- ՀՀ ՆԳՆ փրկարար ծառայությունից տեղեկացնում են, որ ՆԳՆ փրկարար ծառայությունն այսօր ժամը 22։00-ից «Զվարթնոց» միջազգային օդանավակայանում անցկացնելու է ուսումնավարժություն։ Կառույցից հորդորում են չանհանգստանալ։
Այս ժամի լուրերը՝ տեսանյութում։
