14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Գիշերը ՌԴ-ն հարվածել է Կիևին, իսկ առավոտյան ԱԹՍ-ների հարձակում է եղել Մոսկվայի վրա
Քաղաքականություն
30.05.2023 | 10:22
Կիևի քաղաքապետ Վիտալի Կլիչկոն հայտնել է, որ երեքշաբթի գիշերը Կիևի վրա ռուսական անօդաչու սարքերի հարձակման հետևանքով հրդեհ է բռնկվել Գոլոսեևսկի թաղամասի բազմահարկ շենքում, իսկ Պոդոլսկի թաղամասում բնակելի տուն է հրդեհվել, փոխանցում է BBC-ի ռուսական ծառայությունը։ Կլիչկոյի խոսքով՝ Գոլոսեևսկի թաղամասու բազմաբնակարան շենքում հրդեհից 1 մարդ է զոհվել, 20 բնակիչ տարհանվել է։
Շենքի վերջին երկու հարկերն ավերվել են։ Չի բացառվում, որ փլատակներում մարդիկ կան։ Պոդոլսկի շրջանում տուժածների մասին տեղեկություններ դեռ չկան՝ այնտեղ աշխատում են շտապօգնության ծառայությունները։
Ավելի վաղ հաղորդվել էր, որ մայրաքաղաքի Դառնիցկի թաղամասում բեկորների անկման պատճառով առանձնատուն է բռնկվել, իսկ Պեչերսկի շրջանում՝ երեք մեքենա։
Կիևի գրոհներից հետո լուրեր տարածվեցին Մոսկվայում շենքերի վրա ԱԹՍ-ների հարձակման մասին։ ՌԴ արտակարգ իրավիճակների ծառայության ներկայացուցիչը հայտարարել է, որ Մոսկվայում անօդաչու թռչող սարքերը հարվածել են երկու բնակելի շենքերի, տուժածներ չկան։
Ըստ այդ տեղեկությունների՝ ԱԹՍ-ներից մեկը հարվածել է Պրոֆսոյուզնայա 98 հասցեում գտնվող բնակելի շենքի վերին հարկերին: Քանդվել են տան ճակատային մասն ու ապակեպատ հատվածը: Երկրորդը հարվածը եղել է Նոր Մոսկվայի Ատլասովա փողոցի 24-հարկանի բնակելի շենքին:
Ավելի վաղ ռուսական տելեգրամյան ալիքները գրել էին, որ մայրաքաղաքում առավոտյան ժամը 4-ին պայթյունների ձայներ են լսվել։
