11.01.2025 | 11:33
Արտարժույթների փոխարժեքները՝ հունվարի 11-ի դրությամբ
Ըստ Փաշինյանի՝ Քիշնևում Ալիևի հետ ոչինչ չեն ստորագրելու․Արցախն արձագանքել է Ալիևի սպառնալիքին․ Լուրեր
Քաղաքականություն
29.05.2023 | 17:30
- Հայաստանի և Ադրբեջանի միջև այս պահի դրությամբ չկա համաձայնեցված նախագիծ, որը հնարավոր կլինի ստորագրել հունիսի 1-ին Քիշնևում։ Այս մասին հայտարարել է Նիկոլ Փաշինյանը։ Նա նշել է, որ Հայաստանը դեռ Վաշինգտոնի բանակցություններից առաջ Ադրբեջանին փոխանցած խաղաղության պայմանագրի շուրջ իր առաջարկների վերաբերյալ չի ստացել ադրբեջանական կողմի մեկնաբանությունները։
- Փաշինյանի խոսքով՝ Իլհամ Ալիևի հետ մոսկովյան հանդիպման քննարկման թեմաներից մեկը վերաբերում էր Լեռնային Ղարաբաղում ստեղծված հումանիտար իրավիճակին և Լաչինի միջանցքի ապօրինի փակմանը։ Փաշինյանը նշել է, որ այդ քննարկման արդյունքները չեն գոհացնում, և շատ ցավալի իրավիճակ է, որ Լաչինի միջանցքի փակումը տեղի է ունեցել ռուս խաղաղապահների աչքի առաջ և ներկայությամբ, ինչը բավականին մտահոգիչ է: Ըստ Փաշինյանի՝ շարունակելու են այս իրադրության կարգավորման ուղղությամբ քննարկումները, այդ թվում՝ Ռուսաստանի հետ։
- Արցախի նախագահի խոսնակն արձագանքել է Ադրբեջանի ղեկավար Իլհամ Ալիևի սպառնալիքներին, թե երբ ուզենան, օպերացիա կսկսեն Արցախում։ Լուսինե Ավանեսյանը նշել է, որ միջազգային ակտիվ ջանքերին զուգահեռ՝ Արցախի ժողովրդին ու պետականությանն ուղղված Ադրբեջանի նախագահի հերթական սպառնալիքները նպատակ ունեն հարվածի տակ դնելու այդ ջանքերի արդյունավետության հեռանկարը: Նա նաև նշել է, որ Ադրբեջանը հրադադարի մասին եռակողմ հայտարարությունից հետո առաջին անգամ չէ Արցախի ժողովրդի հետ սպառնալիքի լեզվով խոսում։
Այս ժամի լուրերը՝ տեսանյութում։
