13.01.2026 | 20:12
Հարավային Կորեայի նախկին նախագահի համար դատախազությունը մահապատիժ է պահանջել
Նիկոլ Փաշինյանի որդու` Աշոտ Փաշինյանի մասնակցությամբ միջադեպի գործով նախաքննությունն ավարտվել է․ ՏԵՍԱՆՅՈՒԹ
Հասարակություն
29.05.2023 | 15:30
Նիկոլ Փաշինյանի որդու` Աշոտ Փաշինյանի որդու և զոհված զինծառայող Ժորա Մարտիրոսյանի մոր` Ազգուշ Մարտիրոսյանի ( հայտնի է Գայանե Հակոբյան անունով) միջև տեղի ունեցած միջադեպի գործից Մարտիրոսյանի մասն անջատվել է, ու նախաքննության ավարտվել է և, ըստ պաշտպանների տեղեկությունների, արդեն մեղադրական եզրակացությամբ ուղարկվել դատարան: Այս մասին լրագրողների հետ հանդիպման ժամանակ հայտնեց Մարտիրոսյանի փաստաբան Հովսեփ Սարգսյանը: Վերջինս, ինչպես նաև Մարտիրոսյանի մյուս փաստաբաններ Վարդուհի Էլբակյանը, Գեորգի Մելիքյանը նախաքննության ավարտին որևէ միջնորդություն չեն ներկայացրել. այս փուլում, երբ գործի քննությունը դեռևս հրապարակային չէ, պաշտպաններն անիմաստ են համարել որևէ միջնորդություն ներկայացնելը:
Պաշտպանների պնդմամբ` Ազգուշ Մարտիրոսյանն ընդամենը ցանկացել է Աշոտ Փաշինյանին տանել Եռաբլուր, թեև նրան վերագրվում է առևանգման արարք` կնոջ գործողություններում առևանգում կամ որևէ այլ հանցակազմ չկա, Աշոտ Փաշինյանը Եռաբլուրի ճանապարհին բազմաթիվ հնարավորություններ է ունեցել` մեքենայից դուրս գալու, բայց դուրս չի եկել։ Պաշտպանները նաև բողոքարկել են Մարտիրոսյանին կալանավորելու որոշումը, այն արդեն վերաքննիչ քրեական դատարանում մակագրվել է դատավոր Գրիգորի Հովհաննիսյանին:
Արաքս Մամուլյան
