15.01.2026 | 21:29
Հեռախոսներ են ներկրել մաքսանենգ ճանապարհով. ՊԵԿ-ը՝ կոմիտեի ձերբակալված պաշտոնյաների մասին
Կենտրոնում ապօրինի ծառեր են հատել․ ծառայողական քննություն սկսե՛ք, մեր արձագանքի տեմպից դժգոհ եմ․ ՏԵՍԱՆՅՈՒԹ
29.05.2023 | 10:51
«Մենք ունենք ծառերի հատման դեպք Կենտրոն վարչական շրջանում։ Եվ ես գիտեմ, որ մեր թեժ գիծ զանգ է եղել»,- այս մասին այսօր Երևանի քաղաքապետարանի գործակարգավարական կարգավարական նիստում հայտարարեց փոխքաղաքապետ Տիգրան Ավինյանը և պատասխանատուներից խնդրեց ներկայացնել, թե ինչպես է եղել դեպքը։
Երևանի քաղաքապետարանի աշխատակազմի քարտուղար Շավարշ Գրիգորյանի խոսքով՝ թեժ գծին զանգը եղել է երկու անգամ և խնդիր է առաջացել թեժ գծի և տարածքի տեսուչի հետ կապի դուրս գալու հետ կապված։ «Խնդիրը այսօր ևեթ կուղղվի»,- նշել է Գրիգորյանը։
«Պետք է խնդրեմ՝ ծառայողական քննություն սկսել։ Հասկանանք՝ այդ տեխնիկական խնդիրը ում խատճառով է եղել առաջին հերթին։ Երկրորդը՝ պարոն Ղուկասյան, ես վստահ եմ, որ հենց այնպես չեն այդ ծառերը հատվել. մեկի մտքով անցել է, որ այդ հողի հատվածը ինքը կարողանալու է զավթել։ Ուղղարկեք ձեր տղաներին, ու առհասարակ, եթե այնտեղ որևէ տարածք կլինի ցանկապատված, կմաքրեք ամբողջությամբ»,- հայտարարել է Տիգրան Ավինյանը՝ ընդգծելով՝ որևէ մեկի մտքի ծայրով չանցնի, որ այս մեթոդով իրենք նոր հողազավթումներ են կարողանալու անել։
Ավինյանը հավելեց, որ դժգոհ է թեժ գծի արձագանքի տեմպից․ «Թեժ գիծ զանգ է եղել, դրանք պետք է միանգամից արձագանք ստանան։ Չենք կարող սպասել, որ ծառերը հատվեն, հետո մենք գնանք պոստ ֆակտում արձանագրենք»,- նշեց փոխքաղաքապետը։
Մանրամասները՝ տեսանյութում։
