16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Էրդողանը հայտարարել է նախագահական ընտրություններում իր հաղթանակի մասին
Քաղաքականություն
28.05.2023 | 22:05
Թուրքիայի նախագահ Ռեջեփ Թայիփ Էրդողանը հայտարարել է նախագահական ընտրությունների երկրորդ փուլում իր հաղթանակի մասին։
Նա Ստամբուլում իր աջակիցների առջև ելույթ ունենալով՝ ասել է․ «Նախագահական ընտրությունների երկրորդ փուլը մենք ավարտեցինք մեր ժողովրդի բարի կամքով։ Ցանկանում եմ հայտնել իմ ազգին երախտագիտությունը՝ մեզ ժողովրդավարության տոն պարգևելու համար։ Ցանկանում եմ իրենց կատարած ընտրության համար շնորհակալություն հայտնել մեր ժողովրդի, առանց բացառության, բոլոր ներկայացուցիչներին, որոնք հերթական անգամ մեզ վստահեցին երկիրը ղեկավարելու պատասխանատվությունը հաջորդ հինգ տարիներին»։
Ըստ «Անադոլու» գործակալության ու «ANKA» ընդդիմադիր լրատվամիջոցի տվյալների՝ քվեաթերթիկների 98 տոկոսի նախնական հաշվարկի արդյունքում Էրդողանը ստանում է ձայների 52 տոկոսը, իսկ ընդդիմության թեկնածու Քեմալ Քըլըչդարօղլուն՝47 տոկոսից մի փոքր ավելին։
Հավելենք, որ Քըլըչդարօղլուն ևս պատրաստվում է հայտարարությամբ հանդես գալ։
Էմմա Չոբանյան
