07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Ադրբեջանի կողմից 2 հայ զինծառայողի ապօրինի առևանգումը սեփական պարտավորություններից հետ կանգնելու փորձ է. ԱԳՆ
Քաղաքականություն
27.05.2023 | 19:04
ՀՀ ԱԳՆ-ն անդրադարձել է հայ զինծառայողների առևանգմանը՝ նշելով, որ Ադրբեջանի կողմից 2 հայ զինծառայողի ապօրինի առևանգումը սեփական պարտավորություններից հետ կանգնելու փորձ է:
«Կոչ ենք անում Ադրբեջանի իշխանություններին ազատ արձակել նրանց և կատարել բոլոր հայ ռազմագերիներին ազատ արձակելու պարտավորությունը ՝ համաձայն 2020 թվականի նոյեմբերի 9-ի եռակողմ հայտարարության և միջազգային գործընկերների ու հաստատությունների կոչերի»,- ասված է ՀՀ ԱԳՆ-ի Twitter-ում։
Հիշեցնենք՝ ՀՀ ՊՆ N զորամասի զինծառայողներ Հարություն Յուրիկի Հովագիմյանը և Կարեն Աշոտի Ղազարյանը մայիսի 26-ին` ժամը 18:30-ին, «Կամազ 43114» մակնիշի ավտոմեքենայով նույն զորամասի պահպանության տեղամասի՝ ՀՀ հարավարևելյան ուղղությամբ տեղակայված մարտական դիրքերից մեկին սնունդ են տեղափոխել, որից հետո դիրքից վերադառնալիս նրանց հետ կապը կորել է։
Ձեռնարկված որոնողական աշխատանքների արդյունքում ավոտմեքենան գտնվել է մարտական դիրք տանող ճանապարհին՝ ՀՀ ԶՈՒ դիրքերի թիկունքում գտնվող հատվածում՝ շարժիչը գործարկված վիճակում, մեքենայի մեջ հայտնաբերվել է մեկ միավոր ԱԿ-74 տեսակի ինքնաձիգ, սակայն նշված երկու զինծառայողները չեն գտնվել․ տեղեկացնում են ՀՀ ՔԿ-ից։ Նախնական տվյալներով՝ հակառակորդի զինված խումբը հատել է ՀՀ սահմանը և առևանգել զինծառայողներին:
