20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
EVN մեդիափառատոն. տեղացի և օտարերկրյա լրագրողները` մարտահրավերների և խնդիրների մասին․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
Հասարակություն
26.05.2023 | 21:59
Մայիսի 26-28-ը երկրորդ «EVN Report մեդիա փառատոն»-ը Երևանում կհամախմբի տեղական և միջազգային լրատվամիջոցների ներկայացուցիչներին` կիսվելու իրենց փորձով և հմտություններով, ընդգծելու լրագրության դերը հասարակության ընկալումների ձևավորման հարցում։
Որպես մեդիա ոլորտում գիտելիքի փոխանակման, բազմազանության և ստեղծարարության իրադարձություն՝ փառատոնը կներկայացնի միջոցառումների լայն շրջանակ՝ ընդգրկելով լրատվամիջոցների էթիկային, հետաքննական լրագրությանը, ապատեղեկատվության դեմ պայքարին ու փաստերի ստուգմանը վերաբերող թեմաներ, ինչպես նաև անձնական զրույցներ, ակադեմիական քննարկումներ, ցուցահանդեսներ, աշխատարաններ և պորտֆոլիոների խորհրդատվություններ:
Եռօրյա ոգեշնչող և խորհելու տեղիք տվող զրույցների ընթացքում ներկաները հնարավորություն կունենան շփվելու լրագրողների, խմբագիրների, գրողների և փորձագետների հետ, իմանալ ավելին որակյալ, արժանահավատ և վստահելի նորությունների ու տեղեկատվության անհրաժեշտության և արժեքի մասին:
Լուսանկարները՝ Արթուր Դևրիկյանի
Մանրամասները՝ տեսանյութում։
Անի Թամրազյան
