26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Պետդեպը՝ Երևանի և Բաքվի վրա ճնշման մասին․ 24 անձ մեղադրվում է հավաքներից խուսափելու համար․ Լուրեր
Քաղաքականություն
26.05.2023 | 16:16
- ԱՄՆ-ն շարունակելու է ճնշել Հայաստանին և Ադրբեջանին՝ միասին աշխատելու, որպեսզի հասնեն համաձայնության այն հարցերում, որոնք չլուծված են մնում։ Այս մասին հայտարարել է ԱՄՆ Պետքարտուղարության խոսնակ Մեթյու Միլլերը, որը ճեպազրույցում անդրադարձել է Մոսկվայում կայացած Հայաստան-Ադրբեջան բանակցություններին։
- Նա նաև ասել է, որ գնահատում են Հայաստանի վարչապետ Նիկոլ Փաշինյանի վերջին մեկնաբանությունը Հայաստան-Ադրբեջան տարածքային ամբողջականության փոխադարձ ճանաչման ու խաղաղությանը շարունակական հավատարմության վերաբերյալ։
- ՀՀ ՔԿ-ն հայտնել է, որ 2022-2023թթ ստացել է վարժական հավաքներից խուսափելու առերևույթ դեպքերի առթիվ ընդհանուր 160 հաղորդում։ Քրեական հետապնդում է հարուցվել ընդհանուր 45 անձի նկատմամբ։ 24 անձի վերաբերյալ քրեական վարույթներ ուղարկվել դատարան:
- ՊՆ վարչական համալիրում տեղի է ունեցել ՀՀ պաշտպանության նախարարին կից կոլեգիայի հերթական նիստը։ Անդրադարձ է կատարվել ինժեներական և ամրաշինական կառույցների կահավորման ուղղությամբ իրականացվող աշխատանքներին, հատուկ նշանակության նոր ստորաբաժանումների կազմավորման և համալրման գործընթացին, ինչպես նաև առաջիկա օրերին մեկնարկող զինծառայողների ատեստավորման քննություններին:
Այս ժամի լուրերը՝ տեսանյութում։
