09.09.2026 | 08:46
Փաշինյանը մեկնել է Ֆրանսիա՝ մասնակցելու Միջազգային տիեզերական գագաթնաժողովին
Մոսկվայում բանակցությունները չեն տապալվել. Արթուր Հովհաննիսյան․ ՏԵՍԱՆՅՈՒԹ
Քաղաքականություն
26.05.2023 | 15:42
Ալիև-Փաշինյան երեկվա բանավեճում ևս մեկ անգամ վերահաստատվեց, որ Հայաստանի համար արտատարածքային միջանցքի տրամադրումը կարմիր գիծ է: Այդ մասին այսօր ԱԺ ճեպազրույցների ժամանակ հայտարարեց «Քաղաքացիական պայմանագիր» խմբակցության քարտուղար Արթուր Հովհաննիսյանը:
Պատգամավորի խոսքով՝ երեկ վարչապետ Փաշինյանը հակադարձեց Ալիևին՝ ասելով, որ մենք առաջին անգամ ենք լսում, որ Ռուսաստանի նախագահն աջակցում է Զանգեզուրի միջանցքային տրամաբանությամբ ճանապարհի նարատիվին։
Իհարկե, բանակցային հետագա գործընթացում մենք տերմինների առումով կմոտարկենք մեր մոտեցումները, բայց այդ մասով զիջումներ չեն լինելու, Լաչինի միջանցքից բացի, մեր տարածքով անցնող, մեր օրենսդրությամբ չնախատեսված որևէ այլ միջանցքի հարցը մեզ համար կարմիր գիծ է, որի մասին ոչ մեկ անգամ ենք խոսել»,- նշեց Հովհաննիսյանը՝ հավելելով, որ Ալիևն ինքն էլ ճանաչում է Հայաստանի տարածքային ամբողջականությունը և չի կարող մեր ինքնիշխան տարածքից որևէ բան պահանջել։
Հովհաննիսյանի դիտարկմամբ՝ Մոսկվայում բանակցությունները չեն տապալվել։
Հիշեցնենք, որ երեկ, Մոսկվայում, Փաշինյան-Պուտին-Ալիև հանդիպման ժամանակ «միջանցք» տերմինի շուրջ բանավեճ է տեղի ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև։
Մանրամասները՝ տեսանյութում։
