23.11.2024 | 15:05
Դոնալդ Թրամփը հայտարարել է ԱՄՆ-ի ֆինանսների նախարարի պաշտոնի հավանական թեկնածուին
Հանքի որոշակի հատված աշխատում է․ Սոթքի համայնքապետ․ ՏԵՍԱՆՅՈՒԹ
Տնտեսություն
26.05.2023 | 15:55
Սոթքի դպրոցում այսօր վերջին դաս էր․ 18 շրջանավարտներ ավարտեցին 12-րդ դասարանը: Այս առիթով Factor TV-ն զրուցեց Սոթքի համայնքապետ Սևակ Խաչատրյանի հետ, անդրադառնալով նաև սահմանամերձ բնակավայրի անվտանգային խնդիրներին և հանքի շահագործմանը։
«Շրջանավարտներին ու մեր բնակիչներին պետք է գիտակցում, որ մենք ապրում ենք սահմանամերձ բնակավայրում, ունենք պատասխանատվություն մեր բնակավայրը շենացնելու: Շրջանավարտներին մաղթում եմ, որ իրենք չտեսնեն այն դժվարությունները, որոնց միջով հիմա մենք ենք անցնում»,- ասաց Խաչատրյանը: Սոթքի ոսկու հանքը տևական ժամանակ, անվտանգության նկատառումներից ելնելով, փակ է: Խաչատրյանը վստահեցրեց, որ հանքի որոշակի հատված աշխատում է` առանց մանրամասների:
Անդրադառնալով հանքի փակման հետևանքով առանց աշխատանքի մնացած մարդկանց` Խաչատրյանն ասաց, որ աշխատանքներ են տարվում, սակայն չի կարող մանրամասնել, թե ինչի մասին է խոսքը: Համայնքապետը նաև նշեց, որ Սոթքում լարվածություն չկա, բնակիչները զբաղվում են առօրյա հոգսերով, գյուղատնտեսական աշխատանքներով:
Մանրամասները` տեսանյութում:
Արփի Հակոբյան
