19.04.2024 | 10:57
Սպահանի մոտակայքում 3 ԱԹՍ է խոցվել․իրանցի պաշտոնյա
Կոկաինի հասցեատեր ընկերության սեփականատերը ԱԺ նախկին պատգամավոր է, այժմ հետախուզման մեջ է․ Փաշինյան․ ՏԵՍԱՆՅՈՒԹ
Հասարակություն
24.05.2023 | 16:58
1 տոննա կոկաինի բացահայտման դեպքն արտառոց է, ԱԱԾ-ն արդեն առաջին ձերբակալությունն է իրականացրել: Այս մասին ԱԺ-Կառավարություն հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը՝ անդրադառնալով ՔՊ-ական պատգամավոր Արմեն Խաչատրյանի հարցին, թե դեպքի հետ կապված ինչ նոր զարգացումներ կան, ովքեր են ներգրավված գործում:
«Այդ 1 տոննա կոկայինի հասցեատերը կարծես թե բանանի ներկրմամբ զբաղվող հայտնի ընկերությունն է, որի սեփականատերը»,- հայտարարեց Փաշինյանը՝ հավելելով, թե չի կարող որևէ մեկի անմեղության կանխավարկածը խախտել։
«Ցավոք, թմրամիջոցների ապօրինի շրջանառությունը Հայաստանում և ամբողջ աշխարհում շատ մեծ ծավալի է հասել, ընդ որում՝ կարող են ներգրավված լինել ամենատարբեր մարդիկ։ Մեր Քրեական օրենսգիրքը նախատեսում է հանցավոր խումբ, բայց ոչ կուսակցական պատկանելություն, հիմա եթե պարզվի՝ որևէ մեկը Հանրպետական կուսակցության անդամ է, նշանակում է Հանրապետականներին կուսակցության նախագահի գլխավորությամբ ձերբակալե՞նք։ Կարող են լինել տարբեր կուսակցությունների անդամներ, անկուսակցակններ, հավատացյալներ և անհավատներ․․․
Մեծ կուսակցություններ են, կարող է պարզվել՝ կան մարդիկ, որոնք այդքան էլ անկեղծ նվիրված չեն գաղափարներին։ Մեր իրականությունում նման դեպքեր հաճախ են պատահում»,- նշեց վարչապետը։։
Փաշինյանի խոսքով՝ ինքն անվտանգության խորհրդի նիստում թմրանյութերի ապօրինի շրջանառության վերաբերյալ իրավապահ մարմինների հստակ խնդիրներ է դրել և դրանց կատարման համար կոնկրետ ժամկետ սահմանել։
Մանրամասները՝ տեսանյութում։
