06.10.2026 | 22:54
Հայաստանի մի շարք հասցեներում էլեկտրաէներգիայի անջատումներ կլինեն
Քաշքշուկ է եղել ԱԺ ում․ Զախարովան՝ Փաշինյանի կողմից Արցախը Ադրբեջանի մաս ճանաչելու մասին․ Լուրեր
Քաղաքականություն
24.05.2023 | 17:10
- ԱԺ-ում այսօր իրավիճակը լարվել է, հրմշտոց ու քաշքշուկ է սկսվել «Հայաստան» խմբակցության անդամ Արթուր Սարգսյանի ելույթից հետո, որում նա Արմեն Դանիելյանին մեղադրեց իրեն անօրինական կալանավորելու համար։ ԱԺ նախագահ Ալեն Սիմոնյանը հրավիրեց անվտանգության աշխատակիցներին՝ հորդորելով դահլիճից հեռացնել Արթուր Սարգսյանին։ Անվտանգության աշխատակիցները ուժով հեռացրել են ընդդիմադիր պատգմավորին։ ԱԺ նախագահը ընդմիջում է հայտարարել 20 րոպե։
- Նիկոլ Փաշինյանի կողմից Արցախը Ադրբեջանի մաս ճանաչելու մասին հայտարարությանն այսօր անդրադարձել է Ռուսաստանի ԱԳՆ խոսնակ Մարիա Զախարովան և նշել է, որ այդ հայտարարությունը միանշանակ չի ընդունվել Հայաստանում և Արցախում։ Միաժամանակ նա նշել է, որ դա հստակեցնում է Հայաստանի իշխանությունների դիրքորոշումը այդ հարցում։
- Զախարովային նաև հարցրել են՝ դիտարկո՞ւմ է արդյոք Ռուսաստանը տարբերակ, երբ Հայաստանը պահանջի դուրս բերել ռուսական բազան։ Զախարովան ըստ էության չի պատասխանել այդ հարցին՝ նշելով, որ քննարկում են տեղում խնդիրները լուծելու անհրաժեշտությունը։
Այս ժամի լուրերը՝ տեսանյութում։
