06.10.2026 | 16:53
Գերմանիայի հետախուզական ծառայության նախկին ղեկավարը ձերբակալվել է լրտեսության կասկածանքով
Դիտարկո՞ւմ է ՌԴ-ն սցենար, որ ՀՀ-ն կարող է խնդրել դուրս բերել ռազմաբազան․ ՌԴ ԱԳՆ մեկնաբանությունը․ ՏԵՍԱՆՅՈՒԹ
Քաղաքականություն
24.05.2023 | 15:23
Այս պահին մենք տեղում տիրող իրավիճակը դիտարկում ենք այն միջնորդական գործառույթների տեսանկյունից, որոնք ունի մեր երկիրը։ ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում այսպես է պատասխանել լրագրողի հարցին՝ արդյո՞ք ՌԴ-ն դիտարկում է այն սցենարը, որ ՀՀ-ն կարող է խնդրել երկրից դուրս բերել ռուսական ռազմաբազան։
«Մենք օգտագործում ենք ողջ գործիքակազմը՝ թե՛ տեղում, թե՛ քաղաքական առումով իրավիճակը հանդարտեցնելու համար, բանակցություններ են ընթանում բոլոր մակարդակներով, Մոսկվայում տեղի են ունեցել Ռուսաստանի Դաշնության, Հայաստանի և Ադրբեջանի արտգործնախարարների հանդիպումները։ Այս շփումները շարունակվում են բոլոր մակարդակներում, և սա մեր կոնկրետ աշխատանքի առարկան է, ընդ որում՝ մի շարք ոլորտներում և գերատեսչություններում»,- հայտարարել է Զախարովան։
Անդրադառնալով ՀՀ իշխանությունների կողմից ՀԱՊԿ-ին ուղղված քննադատություններին՝ նա նշել է, որ այդ «կազմակերպության գործունեությունն արդյունավետ է համարում»։
«Յուրաքանչյուր երկիր ունի իր կանոնները, սա գնահատելու հնարավորություն։ Մենք սա այսպես ենք գնահատում»,- ասել է Զախարովան։
Մանրամասները՝ տեսանյութում։
Տաթև Ֆռանգյան
