16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Հուշարձանի բացմանը մասնակցելով՝ Ավինյանը դե՞մ է գնացել քաղաքական թիմին․ ՏԵՍԱՆՅՈՒԹ
Քաղաքականություն
24.05.2023 | 13:01
Ապրիլի 25-ին Նեմեսիս գործողության արձանի բացմանը ներկա էր նաև Երևանի փոխքաղաքապետ, սպասվող ընտրություններում ՔՊ-ի քաղաքապետի թեկնածու Տիգրան Ավինյանը։ Factor TV-ն այսօր նրանից հետաքրքրվեց՝ արձանի բացման արարողությանը մասնակցել է, որպեսզի չասոցացվի՞ ՔՊ-ի հետ, որին հաճախ մեղադրում են Արցախը Ադրբեջանին հանձնելու կամ Թուրքիայի հետ ջերմ հարաբերություններ հաստատելու փորձերի մեջ։
Ավինյանը կարճ պատասխանեց՝ «Ոչ»՝ հավելելով, որ այդ հարցին արդեն պատասխանել է համապարփակ։ Արդյո՞ք փոխքաղաքապետն իր այդ քայլով դեմ չի գնացել իր թիմի վարած քաղաքականությանը և պատճառ դարձել Հայաստանի և Թուրքիայի միջև հարաբերությունների կարգավորման գործընթացի խաթարման, քանի որ վարչապետը արձանի տեղադրման որոշման համար քննադատել էր քաղաքային իշխանություններին։
«Ես այդպես չեմ կարծում, ես ասել եմ, որ Նեմեսիսի արձանը որևէ երկրի կամ ժողովրդի դեմ չէ, դա մեր ազգային արժանապատվության հուշարձանն է և հավելելու որևէ բան չունեմ»,- ասաց Տիգրան Ավինյանը։ Նա ևս մեկ անգամ վերահաստատեց՝ Նեմեսիս գործողության մասնակիցներին նվիրված արձանը չի ապամոնտաժվելու։
Մանրամասները՝ տեսանյութում։
Արփի Հակոբյան
