14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
ԱՄՆ-ը դիտարկում է Հայաստանում փոքր միջուկային ռեակտորներ կառուցելու հնարավորությունը․ ՏԵՍԱՆՅՈՒԹ
Քաղաքականություն
24.05.2023 | 10:42
Միացյալ Նահանգները դիտարկում է փոքր մոդուլային միջուկային ռեակտորների կառուցումը Հայաստանում և եվրասիական այլ երկրներում՝ ձգտելով ամրապնդել այդ երկրների էներգետիկ անկախությունը։ Այս մասին երեքշաբթի օրը հայտարարել է ԱՄՆ կառավարության Եվրոպայի ու Եվրասիայի աջակցության ծրագրերի համակարգող Մարիա Լոնգին։
«Եվ մի շարք երկրներում, այդ թվում՝ Հայաստանում, մենք դիտարկում ենք ամերիկյան տեխնոլոգիայի կիրառմամբ կառուցված փոքր մոդուլային միջուկային ռեակտորների [կառուցման] հնարավորությունը, որոնք կարող են բերել ավելի մեծ էներգետիկ անկախության ինչպես Ռուսաստանից, այնպես էլ՝ Չինաստանից», – ասել է Լոնգին ԱՄՆ Ներկայացուցիչների պալատի արտաքին հարաբերությունների հանձնաժողովի լսումների ընթացքում։ Պաշտոնյան այլ մանրամասներ չի հայտնել։
