13.01.2025 | 18:26
«Մայր Հայաստան» խմբակցությունը Երևանի ավագանու արտահերթ նիստ կգումարի
Փաշինյանն ընդունել է ՆԱՏՕ-ի պաշտոնյային․ Պեսկովը՝ Մոսկվայում Փաշինյան-Ալիև հանդիպման մասին․ Լուրեր
23.05.2023 | 19:25
- Նիկոլ Փաշինյանն ընդունել է Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինային։ Զրուցակիցները քննարկել են Հայաստան-ՆԱՏՕ գործընկերությանը և համագործակցությանը վերաբերող հարցեր: Մինչ այդ Կոլոմինային ընդունել էր նաև ԱԳ նախարար Արարատ Միրզոյանը։
- Կրեմլը հույս ունի, որ մայիսի 25-ին Մոսկվայում կայանալիք Ադրբեջանի և Հայաստանի ղեկավարներ Իլհամ Ալիևի և Նիկոլ Փաշինյանի հանդիպումներն արդյունավետ կլինեն։ Այս մասին հայտարարել է Ռուսաստանի նախագահի խոսնակ Դմիտրի Պեսկովը։
- Ադրբեջանի ղեկավար Իլհամ Ալիևը եվրոպացի պատգամավորների ընդունելիս ասել է, որ իրենք աջակցում են հենց իրենց կողմից ներկայացված 5 սկզբունքների հիման վրա Հայաստանի հետ պայմանագրի ստորագրմանը, հատկապես՝ պետությունների տարածքային ամբողջականության և ինքնիշխանության փոխադարձ ճանաչման սկզբունքով։ Նա, սակայն, այդպես էլ չի ասել՝ Բաքուն ճանաչո՞ւմ է Հայաստանի տարածքային ամբողջականությունը, թե՞ ոչ։
Այս ժամի լուրերը՝ տեսանյութում։
