25.04.2024 | 00:15
Ոստիկանությունը բերման է ենթարկում ԱԺԲ երթի մասնակիցներին. ՏԵՍԱՆՅՈՒԹ
Արարատ Միրզոյանի հայտարարությունները նյարդայնացրել են պաշտոնական Բաքվին
Քաղաքականություն
23.05.2023 | 14:50
Ադրբեջանի ԱԳՆ-ն արձագանքել է ՀՀ ԱԳ նախարար Արարատ Միրզոյանի՝ Մեծ Բրիտանիայի Եվրոպական հարցերով պետնախարար Լեո Դոքերթիի հետ համատեղ ասուլիսում հնչեցրած հայտարարություններին։
«Մենք խստորեն դատապարտում ենք մայիսի 22-ին Մեծ Բրիտանիայի Եվրոպական հարցերով պետնախարար Լեո Դոքերթիի հետ մամուլի ասուլիսի ժամանակ Հայաստանի արտգործնախարար Արարատ Միրզոյանի կողմից արված «կողմնակալ» հայտարարությունները»,- ասվում է հայտարարության մեջ։
Նշենք, որ Բաքուն շարունակում է պնդել, թե Լաչինի միջանցքում ապօրինաբար տեղադրված անցակետը հումանիտար ճգնաժամ չի ստեղծել Արցախում և չի ազդում Կարմիր Խաչի միջազգային կոմիտեի աշխատանքի վրա։
Բացի այդ, ըստ Բաքվի՝ Արցախում Ադրբեջանի կողմից էթնիկ զտման քաղաքականության մասին Հայաստանի պնդումները, իբր, «իրականությունը խեղաթյուրելու փորձ են»։ Ադրբեջանը շարունակում է կեղծել, թե Արացխի բնակիչներն օգտվում են ադրբեջանական ապօրինի անցակետից։ Բաքուն նաև դժգոհ է, որ Հայաստանն աշխատում է Արցախ միջազգային առաքելություն ուղարկելու ուղղությամբ։
«Հայկական կողմը պետք է դադարի իր նարատիվներով միջազգային հանրությանը մոլորեցնելու փորձերը։ Միևնույն ժամանակ, այն փաստը, որ Հայաստանը դեռ խրախուսում է «Ադրբեջանի տարածք» միջազգային առաքելություն ուղարկելը, խոչընդոտում է Ադրբեջանի կառավարության երկխոսությանը «Ղարաբաղի շրջանի» հայ բնակիչների հետ և դիտվում է որպես միջամտություն Ադրբեջանի ներքին գործերին»,- ասվում է հայտարարության մեջ։
Չնայած միջազգային տարբեր կառույցների հայտարարություններին՝ Բաքուն նաև շարունակում է կեղծել, թե Ադրբեջանում ապօրինաբար պահվող հայ ռազմագերիները գերի չեն։
Էմմա Չոբանյան
