15.05.2026 | 16:52
Բրունո Ֆերնանդեշը գերազանցել է Ռոնալդուի ու Դե Խեայի ռեկորդը «Մանչեսթեր Յունայթեդում»
Գյումրիում տղամարդը սպառնացել է պայթեցնել ոստիկանության Մուշի բաժինը
Հասարակություն
22.05.2023 | 22:11
Մայիսի 22-ին` ժամը 17:30-ի սահմաններում, մի անձ, անձնական խնդրի լուծման պատճառաբանությամբ, մոտեցել է ոստիկանության Մուշի բաժնի հերթապահ մասի մուտքին, նշել է անձնական խնդիրների մասին, որի ընթացքում գրպանից հանել է «Ֆ-1» տիպի նռնակը և սպառնացել պայթեցնել, եթե խնդիրը լուծում չստանա:
Այս մասին Factor.am-ին հայտնեց ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը:
Նրա խոսքով` ոստիկանության Մուշի բաժնի ղեկավարության բանակցությունների արդյունքում գյումրեցի 27-ամյա տղամարդը հանձնել է նռնակը ոստիկաններին: Վերջինս ձերբակալվել է:
Նախաձեռնվել է քրեական վարույթ: Հանգամանքները պարզվում են:
Արփի Հակոբյան
